Үндэсний телевиз
Цагийн хүрд
Найм арваннэг
НИТХ-ын Тэргүүлэгчдийн хуралдаанаас энэ оны аравдугаар сарын нэгний өдрөөс эхлэн Улаанбаатар хот дотор ил задгай зогсоол, талбайд автомашин худалдан борлуулахыг хориглосон шийдвэрийг гаргажээ. Энэ тогтоолын дагуу өнөөдрөөс нийслэлийн Мэргэжлийн хяналтын газраас автомашины худалдаа эрхлэгчдэд энэхүү шийдвэрийн талаар албан ёсоор танилцуулж, мэдэгдэх хуудас хүргүүлж эхэлжээ.
Нийслэлийн 34 ил задгай талбай, зогсоолд зарагдаж буй автомашинуудыг “Авто худалдааны цогцолбор”-ын эхний ээлжийн зогсоолуудад байршуулах юм. Сонгинохайрхан дүүргийн 32 дугаар хорооны нутаг дэвсгэрт 130 га газарт баригдаж буй “Авто худалдааны цогцолбор”-ын эхний ээлжийн барилгын шавыг өнгөрсөн сард тавьсан. Цогцолборын эхний ээлжийн зогсоолын талбай ирэх сарын нэгэнд ашиглалтад орох бөгөөд барилгын ажлыг “Эко тогтол” ХХК, “Анандын зам” ХХК, “Бат кубик” ХХК, “Тэгш плант” ХХК-иуд гүйцэтгэж байгаа юм. Зогсоол 18 метр квадрат буюу жижиг тэрэгний талбай 4 сая төгрөг, том оврын автобус болон хүнд даацын ачааны тэрэг худалдаалах 72 метр квадрат зогсоол 9 сая төгрөгөөр үнэлэгдэнэ.
| Задгай талбайд машин зарахыг хориглоно | ||
| Үзсэн: 1230 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.