2024 оны гуравдугаар сарын 25-ны өдөр шар усанд автсан нийт 5 удаагийн дуудлага, мэдээллийн дагуу нийт 44 алба хаагч, 14 автомашин, 3 мотопомптой ажиллаж 64 тонн соруулж, 10 метр шугам онгойлголоо. 

Тодруулбал:

Хан-Уул дүүргийн 10 дугаар хороо Нисэхийн 7 дугаар байрны урд хэсэгт ус тогтож, иргэд зорчиход хүндрэлтэй нөхцөл байдал үүссэн тухай дуудлагын дагуу Онцгой байдлын хэлтсээс 13 алба хаагч, 2 мотопомп, 2 машин, хорооноос 3 ажилтан нийт 16 ажилтан, алба хаагч, 2 мотопомп, 2 машинтайгаар ажиллаж, 30 тонн ус соруулсан.

Хан-Уул дүүргийн 8 дугаар хороо 118-р сургуулийн урд Яармагийн замд тогтсон усыг ГУББГ-аас 3 рейс 24 тонн, дарагдсан ф 300 хуванцар хоолойн шугмыг ил гарган гаргалгааг 1 рейс 4 тонн усаар 10 м газар буудан онгойлгох ажлыг 8 ажилтан 3 техниктэй хийж гүйцэтгэсэн.

Хан-Уул дүүргийн 21 дүгээр хороо Архивчдын гудамжны авто зам дээр тогтсон усыг соруулах ажлыг ГУУБГ-аас 13 ажилтан 7 техниктэй ажиллаж борооны ус зайлуулах худаг руу оруулж урсган, усны машинаар 8 рейс 68 тонн ус соруулан ажиллалаа.

Багануур дүүргийн 3 дугаар хороо Талын толгой 2-6 тоотод шар ус орсон мэдээллийн дагуу 10 тн ус соруулж, Багануур тохижилт ААТҮГ-аас шуудуу татахаар ажиллаж байна.

Налайх дүүргийн 8-р хороо Нарлагийн 16-11 тоотод айл усанд автсан дуудлагаар 8 метр шороон далан босгож, 150 метр 20 хово шороо асгаж хүчитгэх ажлыг албан хаагчид, 1 экскаватор, 3 хово маркийн автомашин, 41 алба хаагч 9 нэгж техник тус тус хийж гүйцэтгэлээ гэж Улаанбаатар хотын Захирагчийн ажлын албанаас мэдээллээ.