Үндэсний телевиз
Цагийн хүрд
Найм арваннэг
2024 оны нэгдүгээр 23-24-нд шилжих шөнө нийслэлийн Баянзүрх дүүргийн 26 дугаар хороо, Дүнжингарав худалдааны төвийн өмнөх авто замын уулзвар дээр болсон осол, түүнээс үүдэлтэйгээр бий болсон дэлбэрэлт, гал түймэрт эрдэнэт хүмүүсийн амь нас эрсдэн, олон иргэн эрүүл мэнд, эд хөрөнгөөрөө хохирсон харамсалтай үйл явдал боллоо.
Албан үүргээ гүйцэтгэж байгаад амь насаа алдсан алба хаагчид, тэдгээрийн ар гэр, төрөл төрөгсдөд Нийслэлийн иргэдийн Төлөөлөгчдийн Хурлын нэрийн өмнөөс болон нийслэлийн нутгийн захиргааны нийт байгууллагын нэрийн өмнөөс гүн эмгэнэл илэрхийлж байна.
Үүссэн нөхцөл байдалтай холбоотойгоор ослын хор уршгийг арилгах, тусламж үзүүлэх, сэргээн босгох хойшлуулшгүй арга хэмжээ авах ажлыг Нийслэлийн онцгой комисс, нийслэлийн нутгийн захиргааны холбогдох байгууллагууд зохион байгуулж, бүрэн бүрэлдэхүүнээрээ ажиллаж байна.
Иймд 2024 оны нэгдүгээр сарын 25-ны өдөр хуралдахаар байсан Нийслэлийн ИТХ-ын ээлжит XXI хуралдааныг түр хойшлуулах захирамжийг Нийслэлийн иргэдийн Төлөөлөгчдийн Хурлын дарга Ж.Батбаясгалан гаргалаа.
Эх сурвалж: НИТХ
| Нийслэлд үүссэн нөхцөл байдалтай холбоотойгоор НИТХ-ын ээлжит хуралдааныг түр хойшлууллаа | ||
| Үзсэн: 1121 | Mongolian National Broadcaster |
Б.Цоожчулуунцэцэг
О.Энхмаа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.