
“Алтан хүү” клубаас зохион байгуулсан чансаа өндөр даамчдын “Final-2016” тэмцээн таван өдөр үргэлжилж өндөрлөлөө. Энэ онд блиц, рапид, 64 буудалт даамын төрлүүдээр улсын аварга цолыг хүртсэн ДДХМ Ц.Хашчулуун оны төгсгөлийн тэмцээнд боломжит 26 онооноос 19-ийг авсан амжилтаар тэргүүллээ.
Гавьяат тамирчин Д.Эрдэнэбилэгийн хувьд эхний өдрөөс тэргүүлж явсан ч сүүлийн долоон тавилынхаа зургаад нь өрсөлдөгчидтэйгөө оноо хувааж, 18 оноогоор удааллаа.
Хүрэл медалийг ДДХМ Ц.Отгонбилэг мөн 18 оноогоор хүртэж, их мастер Р.Манлай, Г.Ганжаргал нар “айрагдсан” юм. Тэмцээнд оролцсон тамирчид 40-350 мянган төгрөгийн шагнал хүртлээ.
Шилдэг даамчдыг Ц.Хашчулуун өнгөллөө | ||
Үзсэн: 1280 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.