Европ тивийн топ лигүүдийн нэг Германы аварга шалгаруулах “Бундес лиг”-ийн тэмцээний 24-р тойргийн сүүлийн тоглолтууд урд шөнө болж, энэ тойргийн хүрээнд нийтдээ 9 тоглолт болж өндөрлөлөө. “Бундес лиг”-ийн тэмцээний энэ улирлын нээлт болоод буй “Лайпциг” клуб энэ тойрогт лигийн хүчтэй өрсөлдөгч “Вольфсбург” клубыг талбайдаа хүлээн авч, багууд энэ улирлын 24 дэх тоглолтдоо оролцлоо. Энэ тоглолт эхлээд 9 минутын дараа Даниэль Дидавигйин дамжуулалтаар Герман довтлогч Марио Гомес тооны харьцааг нээсэн. 31 настай Марио Гомес энэ улирлын 8 дахь гоолоо ийн оруулсан юм. Улмаар үлдсэн цагт гоол оролгүй тоглолт өндөрлөснөөр Гомесын энэ гоол багтаа хожлын 3 оноо авчрах үнэ цэнэтэй байлаа. “Вольфсбург”-чууд ийнхүү 16 оноотой болж, хүснэгтийн 14-р байрт дэвшсэн бол “Лайпциг” клуб 49 оноотой хүснэгтийн дэд байрт бичигдсэн хэвээр үлдлээ.