МИАТ-ийн удирдлагаар ажиллах байхдаа "Дайны эрсдлийн даатгалын сан” нэрээр их хэмжээний мөнгө гадаад руу угаасан хэрэгт холбогдчдын хэргийн хяналтын  шатны шүүх хуралдаан  Улсын Дээд шүүхэд өнөөдөр болж байна. МИАТ-ийн захирал асан  Б.Эрдэнэбилэг,  Р.Бат-Эрдэнэ,  Ц.Орхон нарын зургаан хүний хэргийг өнгөрсөн есдүгээр сарын 3-нд Нийслэлийн шүүхээс хэлэлцэж, шүүх бүрэлдэхүүн анхан шатны шүүх хууль  зөв хэрэглэсэн, яллагдагчид хууль ёсны дагуу ял оногдуулсан хэмээн үзэж, хэвээр баталсан. Жишээ нь анхан болон давж заалдах шатны шүүхээс МИАТ-ийн захирал асан Б.Эрдэнэбилэгт 13 жил нэг сар,  Р.Бат-Эрдэнэд 12.1 жил,  Ц.Орхонд 11 жил, дэд захирлаар ажиллаж байсан  Ч.Хоролсүрэнд 13.1 жил,  Ч.Хоролсүрэнгийн дүү, "Монголиан эйрлайнс" группын захирал асан  Ч.Суурьтогтоход 10.1 жил, 1997-2007 онд “Голомт” банкны зургаадугаар салбарын захирлаар ажиллаж байсан  н.Саранчимэгт 11 жил нэг сарын хорих ял тус тус оноогоод байгаа юм. Шүүх хурал үргэлжилж байна.