МХЕГ-аас “Бага, суурь, бүрэн дунд боловсролын агуулга, цөм хөтөлбөр” сэдэвт сургалт зохион байгуулж, аймаг, нийслэлийн Мэргэжлийн хяналтын газрын боловсролын хяналтын улсын ахлах байцаагчдыг хамрууллаа.

Танхимын болон онлайн хэлбэрээр зохион байгуулсан уг сургалт нь бага, суурь, бүрэн дунд боловсрол эзэмшүүлэх сургалтын агуулга, түүнийг хэрэгжүүлэх цөм хөтөлбөр хийх аргачлал, боловсролын чанарын судалгааны нэмэлт мэдээлэл авах, ЕБС-ийн стандартын хэрэгжилтийн түвшинг үнэлэхэд хөндлөнгийн үнэлгээг ашиглах, тандалт хийх аргачлалтай танилцах, шинэ байцаагчдад хяналт шалгалт хийх арга зүйн зөвлөгөө өгөх зорилготой.

“Бага, суурь, бүрэн дунд боловсролын сургалтын төлөвлөгөө, цөм хөтөлбөр”, “Боловсролын чанарын судалгаа, эцсийн үнэлгээний арга зүй зохион байгуулалт”, “Ерөнхий боловсролын сургууль, цэцэрлэгт хууль бус төлбөр хураамж авч байгаа байдалд тандалт судалгаа хийх”, “1-5 дугаар ангийн сурах бичгийн эрүүл ахуйн шаардлага, агуулгад тандалт судалгаа хийх аргачлал” зэрэг сэдвээр илтгэл тавьж, мэдээлэл өгч, хэлэлцүүлэг өрнүүлэв.