Үндэсний телевиз
Цагийн хүрд
Найм арваннэг
Монголын хамгийн өндөр шагналын сантай спортын тэмцээн болох “Хүрхрээ үндэсний дээд лиг”-ийн улирлын болон өдрийн тасалбар худалдаанд гарлаа.
Түүнчлэн нээлтийн үйл ажиллагаанд зориулсан “Оддын хөлбөмбөг”-ийн тоглолтын тасалбар ч худалдаалагдаж эхлээд байгаа тул үзэгч, хөгжөөн дэмжигчид Монголын хөлбөмбөгийн холбооны байрнаас авах боломжтой юм байна.
Энэ бямба гарагт 14:00 цагаас болох “Оддын хөлбөмбөг”-ийн тоглолтын тасалбар гурван мянган төгрөгөөр худалдаалагдаж, тасалбар бүрийн нэг мянган төгрөг нь “Аутизмыг таниулах сарын аян”-д зориулагдах аж.
Харин “Хүрхрээ үндэсний дээд лиг”-ийн нэг өдрийн тасалбар өнгөрсөн жилийнхтэй адил хоёр мянган төгрөгөөр худалдаалагдана. Та бүхэн хэрэгцээндээ тохируулан улирлын тасалбарыг 30’000 төгрөгөөр авах боломжтой.
Тасалбараас олсон орлого нь “Хүрхрээ үндэсний дээд лиг”-ийн дөрвөөс аравдугаар байр эзэлсэн багт шагнал болох тул үзэгч, хөгжөөн дэмжигч та бүхнийг улсынхаа хөлбөмбөгийн хөгжилд бодит хувь нэмэр оруулж, дээд лигийн сонирхолтой тоглолтуудыг МХБХ-ны цэнгэлдэх хүрээлэнд ирж үзэхийг уриалж байна.
| “Хүрхрээ үндэсний дээд лиг”-ийн улирлын болон өдрийн тасалбар худалдаанд гарлаа | ||
| Үзсэн: 1076 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.