Монголын волейболын холбоо, “Витафит” групптэй хамтран зохион байгуулж байгаа клубуудын аварга шалгаруулах намрын нээлттэй тэмцээний медалийн төлөөх тоглолт үргэлжилж байна.

Энэ сарын 3-нд эхэлсэн тус тэмцээнд эмэгтэй тав, эрэгтэй зургаан баг өрсөлдөж байгаагаас алт болон хүрэл медалийн төлөө өрсөлдөх багууд тодорч, өчигдөр эхний тоглолтоо хийлээ. Эрэгтэйчүүдээс алтан медалийн төлөө “Эрчим”, “Алтайн барс”, хүрэл медалийн төлөө “Хасу мегастарс”-Иргэний нисэхийн Ерөнхий газрын  “Буянт-Ухаа” багууд шалгарсан. Эмэгтэйчүүдээс “Энагурэ” - “Сүхбаатар Цайрт минерал” багууд аваргын төлөө, “Эрчим”, “Алтайн барс” багууд хүрэл медалийн  төлөө тоглоно. Медалийн төлөөх эхний тоглолтууд өчигдөр эхэлж, эрэгтэйчүүдээс “Эрчим”, “Алтайн барс” багийг 3:1, эмэгтэйчүүдээс “Энагурэ” “Сүхбаатар Цайрт минерал”-ийг 3:0-оор буулган авч эхний хожлоо авчээ. Түрүүлж хоёр хожсон багууд медалийн болзол хангах юм.