Тулгар төрийн 2222 жилийн ой, Үндэсний их баяр наадам, Ардын хувьсгалын 92 жилийн ойг тохиолдуулан Монгол Улсын Ерөнхийлөгч зарлиг гаргаж, боловсрол, соёл урлаг, эрүүл мэнд, эдийн засаг, байгаль орчин, хууль эрх зүй, барилга, худалдаа, аж үйлдвэр, зам тээвэр, уул уурхайн салбарт олон жил ажилласан хүмүүст Монгол Улсын ардын болон гавъяат цол, төрийн одон, медаль хүртээлээ.

Тэдний нэг нь Монголын үндэсний олон нийтийн радиогийн улс төрийн тоймч Цэрэнжамцын Дашдамба юм. Түүний олон жил үр бүтээлтэй ажиллаж, хөдөлмөр зүтгэлээ зориулан шилдэг олон нэвтрүүлэг хийсэн хөдөлмөрийг төр өндрөөр үнэлж Хөдөлмөрийн гавъяаны улаан тугийн одонгоор шагнасан байна.