Японы TBS телевизийн “Сасүке нинжа дайчин" шоуг МҮОНРТ “Монголын нинжа дайчид" нэрээр үзэгчиддээ хүргэж эхэлсэн.

Тус шоуны анхны дугаар 1997 онд арлын Японд эфирээр цацагдсанаас хойш өнөөг хүртэл жил бүр 1-2 дугаар үзэгчдэд хүрсэн. Түүнчлэн АНУ, Англи, Герман, Франц, Итали, ОХУ, БНХАУ зэрэг 20 гаруй улсын телевиз эл нэвтрүүлгийн албан ёсны эрхийг авч өөрийн орны үзэгчдэд хүргэсэн байдаг. Харин МҮОНРТ эл шоуны албан ёсны эрхийг авснаар Монгол Улс “Сасүке нинжа дайчин” телевизийн шоуг хийсэн 21 дэх улс болох юм.

Дээрх шоу нэвтрүүлэг дөрвөн үеэс бүрддэг. Эхний үед хурд хүч, авхаалж самбаа дараагийн үед оролцогч бартаа саадыг давах хэрэгтэй болдог. Харин гуравдугаар үед нинжа дайчид агаарт байрлуулсан саад бартаатай тулна. Ийн төгсгөлийн үед оролцогчид цаг хугацаатай уралдах ёстой. Тодруулбал, олс, шат, ханаар дамжин дээш өгсөж, өгөгдсөн цаг хугацаанд багтаж цамхгийн оройд хүрснээр ялагч болно.

“Сасүкэ дайчин Нинжа" нэвтрүүлгийн дээрх үе шат 21 саад бэрхшээлээс бүрддэг. Тухайлбал, эхний үед “Таван алхамт”, “Сармагчингийн тэврэлт”, “Таван лантуу”, “Зүүгдэг тор”, “Түрдэг авдар”, “Саран хана” гэсэн зургаан даалгаврыг гурван минутад багтаж гүйцэтгэх ёстой. Харин хоёрдугаар үед “Цагирагт гулсуур”, “Загасан нуруут турник, “Аалзны алхаа”, “Усан бассейн”, “Урсдаг зам”, “Өргөдөг хана” даалгаврыг биелүүлэх юм.

Дээрх бартаа саадыг давсан оролцогч дараагийн үед “Агаарын хүрд”, “Агаарын таваг”, “Агаарын банана”, “Гадаст самбар”, “Гулсуурт турник”-ыг туулах ёстой бол сүүлийн шатанд 13 метр урт “Аалзны явдал”, 12 метр “Олсоор авирах” даалгаврыг 45 секундийн хугацаанд туулна.

Азийн хамгийн алдартай “Нинжа дайчид” шоуны хоёр дахь дугаар энэ сарын 6-ны ням гарагт 21:10 цагаас үзэгчдэд хүрнэ.

---

	Азийн хамгийн алдартай “Нинжа дайчид” шоуны хоёр дахь дугаар ням гарагт гарна
Үзсэн: 2863	Mongolian National Broadcaster