Айлчлалын хүрээнд хоёр орны сэтгүүлчдийн байгууллагын үйл ажиллагаа, хөгжлийн тухай мэдээлэл солилцож, цаашдын хамтын ажиллагааны чиглэлийг тогтоож баталгаажуулав.

 

Төлөөлөгчид Монгол Улсын Засгийн газрын хэвлэл мэдээллийн алба, МҮОНРТ, UBS,  ETV болон “Монгол ньюс” ХХК, “Өнөөдөр” сонинд зочилж хэвлэл мэдээллийн өнөөгийн байдалтай танилцаж, Цонжин болдог, XIII зуун цогцолбор, “Тэнгэрийн аялгуу” драмын жүжиг үзэв.

 

Айлчлалын хүрээнд Монголын сэтгүүлчдийн эвлэл(CMJ), БНСУ-ын Сэтгүүлчдийн холбоо (JAK)-ны Ерөнхийлөгч нар  “Хамтын ажиллагаа, харилцан ойлголцлын санамж бичиг”-т гарын үсэг зурлаа.

 

Монгол Улс, БНСУ-ын  сэтгүүлчдийн байгууллагын хамтын ажиллагааг шинэ шатанд гаргах, сэтгүүл зүйн хөгжилтэй биечлэн танилцах боломжийг бүрдүүлэх зорилгоор энэхүү санамж бичигт JAK болон CMJ нь  жилд нэг удаа арав  хүртэл сэтгүүлчийн бүрэлдэхүүнтэй төлөөлөгчдийг  долоо хоног хүртэлх хугацаагаар харилцан солилцох болон хөгжлийн чиглэл бүхий зарчмын шийдэлд санал нэгдсэн байна.

 

Хоёр орны сэтгүүлчдийн байгууллага, сэтгүүлчид харилцан айлчлах, сэтгүүлзүйн өнөөгийн хөгжлийг хурдасгахад энэхүү хамтын ажиллагаа, харилцан ойлголцлын санамж бичиг чухал нөлөө үзүүлнэ гэдэгт хоёр тал санал нэгтэй байна.