Улсын бүртгэлийн ерөнхий газар албан хаагчдын ажлын цаг ашиглалтыг бодитой болгох,  цаг хугацаа, орон зайнаас үл хамааран бүртгэх зорилгоор эхлэн албан хаагчдын цаг бүртгэлийн системийг нэгдсэн сүлжээнд холболоо. Нэгдсэн сүлжээнд холбогдсоноор албан хаагчид ажлын зайлшгүй шаардлагаар өөр газар, хэлтэст ажилласан тохиолдолд  цагийн бүртгэлийн аль ч төхөөрөмжид шууд бүртгүүлэх бүрэн боломжтой юм. Ингэснээр ажилчдын цаг завыг хэмнээд зогсохгүй цалин хөлсийг нь алдагдалгүй,  үнэн бодитой олгох нөхцөл бүрдэж байна.