Дэд сайд Монгол Улс, Индонези Улс аюулгүй байдал, батлан хамгаалах салбарт хамтран ажиллах өргөн боломж байгаа, Индонезийн Зэвсэгт хүчний дайчид Монгол Улсад жил бүр зохион байгуулагддаг “Хааны эрэлд” олон үндэстний энхийг сахиулах ажиллагааны хээрийн сургуульд оролцож байсан туршлагатайг дурьдаад, өнгөрсөн онд Индонези Улсаас БНХАУ-д суугаа Элчин сайдын яамны цэргийн атташе Монгол Улсыг хавсран ажилладаг болсон, мөн бид хоёр орны Батлан хамгаалах яамд хооронд хамтран ажиллах тухай “Харилцан ойлголцох санамж бичиг”-ийг Индонезийн талд гардуулж өгсөн бөгөөд ойрын хугацаанд гарын үсэг зурах боломж олдоно гэдэгт итгэж байгаагаа илэрхийлэв.

 

Мөн тэрээр Монгол Улсын Зэвсэгт хүчнээс НҮБ-ыг энхийг сахиулах болон олон улсын бусад ажиллагаанд оролцож байгаа өнөөгийн байдлын талаар товч мэдээлж, цаашид хоёр орны Энхийг сахиулах ажиллагааны сургалтын төвүүдийн хооронд харилцаа тогтоож, хамтран ажиллах, харилцан туршлага солилцох боломжтойг тэмдэглэв.

 

 Элчин сайд Соегенг Рахарджо цаг зав гарган хүлээн авч уулзаж байгаад БХ-ын дэд сайдад талархал илэрхийлээд хоёр орон батлан хамгаалах, аюулгүй байдлын салбарт хамтран ажиллах, түүнчлэн Батлан хамгаалах яамд хоорондын санамж бичгийг ойрын хугацаанд байгуулахад өөрийн зүгээс шаардлагатай дэмжлэг үзүүлэн ажиллахаа илэрхийлж, Батлан хамгаалах аж үйлдвэрийн нэгдэл, энхийг сахиулах ажиллагаа болон бусад чиглэлд хамтран ажиллах боломжтойг цохон тэмдэглэлээ.