Үндэсний телевиз
Цагийн хүрд
Найм арваннэг
Оросын нэрт зохиолч Лев Толстойн “Анна Каренина” романаас сэдэвлэн бичсэн 2 бүлэгт, 15 үзэгдэлт жүжиг 2020 оны 10-р сарын 03-аас Улсын драмын эрдмийн театрын тайзнаа тавигдлаа.
Дэлхийн сонгодог бүтээлийн нэг “Анна Каренина”-гянз бүрийн өнцгөөс үзэж харж, янз бүрийн өнцгөөс ярьж тайлбарлаж болно. Гол дүр Анна Каренинаг хэдэн ч янзаар харж, ярьж,шүүмжилж болно. Харин энэ удаа Наранбаатар найруулагчийн өнцгөөс харж таашаал авах боломж манай монголчуудад олдож байна.
Энэхүү сонгодог жүжгийн гол дүр Анна Каренина-д залуу жүжигчин Н.Баярмаа, Төрийн соёрхолт, Ардын жүжигчин жүжигчин Н.Сувд, Вронскийн дүрийг залуу жүжигчин Т.Сэргэлэн, Анна-гийн нөхөр Алексей Каренины дүрийг Гавьяат жүжигчин Б.Жаргалсайхан бүтээх юм. Мөн Ардын жүжигчин Н.Цэрэндагва, С.Сарантуяа, Гавьяат жүжигчин Ж.Оюундарь, Г.Урнаа, Л.Дэмидбаатар, СТА жүжигчин С.Болд-Эрдэнэ, Г.Амгаланбаатар нарын 70 гаруй уран бүтээлч оролцжээ.
Нээлтийн ёслолд Монгол Улсын Ерөнхий сайд Ухнаагийн Хүрэлсүх, Соёлын сайд С.Чулуун, ОХУ-аас Монгол Улсад суух Онц бөгөөд бүрэн эрхт Элчин сайд И.Азизов, УИХ-ын гишүүн Г.Мөнхцэцэг, Б.Жаргалмаа болон П.Анужин нар оролцов гэж Соёлын яамнаас мэдээллээ.
| "Анна Каренина" жүжиг УДЭТ-ын тайзнаа тавигдлаа | ||
| Үзсэн: 974 | Mongolian National Broadcaster |
У.Баярсайхан
Шог зураач Л.Мөнхбат
П.Алтанцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.