“КОВИД-19” цар тахлаас үүдсэн нөхцөл байдал дэлхийн кино урлагийн салбарт асар их хүндрэл бэрхшээл авчирсаар байна. Тухайлбал, зөвхөн Холливудад гэлтгүй дэлхийн олон улсад кино урлагийн салбарынхан шинэ бүтээлийнхээ нээлтийн товыг удаа дараа хойшлуулж байгаа билээ.

Хамгийн сүүлийн үеийн мэдээллээс дурдвал АНУ-ын “Marvel” студи “Black Widow” бүрэн хэмжээний киноныхоо нээлтийг тавдугаар сарын 7-нд товлоод байсан ч дахин хойшлуулж, 7 дугаар сарын 9-нд хийхээр боллоо. Мөн долдугаар сарын 9-нд нээлтээ хийхээр товлосон “Shang-Chi and the Legend of the Ten Rings” бүрэн хэмжээний киноны нээлтийг есдүгээр сарын 3-нд болгожээ.

Харин тус студийн арваннэгдүгээр сарын 5-нд нээлтээ хийхээр зарласан “Eternals”, арванхоёрдугаар сарын 17-нд  үзэгчдэд хүрэхээр товлосон “Spider-Man: No Way Home” бүрэн хэмжээний киноны нээлтийн хугацаа өөрчлөгдөөгүй гэдгийг мэдэгдлээ.

Ташрамд дуулгахад, “Марвел” студийн түүхэн дэх анхны Ази супер баатар бүхий гол дүртэй “Shang-Chi and the Legend of the Ten Rings” кинонд “Холливуд”-ын “Мулан” тэргүүтэй кино төслүүдэд оролцсон Монголын Б.Болдбаатар ахлагчтай арван орлон тоглогч 10 сар үүрэг гүйцэтгэсэн.