Үндэсний телевиз
Цагийн хүрд
Найм арваннэг
Ням гарагт Букингемийн ордон Их Британийн хатан хаан Элизабет коронавирусийн халдвар авсан тухай мэдэгдлээ.
Тус мэдэгдэлд, "Хатан хаан үргэлжлүүлэн эмнэлгийн тусламж авч, зохих бүх удирдамжийг дагаж мөрдөх болно" гэж тэмдэглэжээ. Энэ сарын эхээр Хатан хааны ууган хүү хунтайж Чарльз хоёр дахь удаагаа "Ковид 19"-ийн шинжилгээ эерэг гарсан тухай мэдээлж байсан.
Хэд хоногийн дараа түүний эхнэр Камиллагийн шинжилгээ мөн эерэг гарсан аж. Өдгөө 95 настай Хатан хаан энэ сарын 6-нд хаан ширээнд суусны 70 жилийн ойгоо тэмдэглэсэн. Их Британийн ард иргэд хатны эрүүл мэндэд санаа зовж байна.
Мөн Ерөнхий сайд Борис Жонсон өөрийн твиттер хуудсандаа "Эрхэмсэг хатан хааныг халдвараас хурдан ангижирч, эрүүл энх байгаасай гэж бүх хүмүүсийн өмнөөс хүсмээр байна" гэж жиргэжээ.
| Их Британийн хатан хаан ковидын халдвар авчээ | ||
| Үзсэн: 476 | Mongolian National Broadcaster |
Шог зураач Л.Мөнхбат
Р.Слава
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.