
Хилийн цэргийн 0303 дугаар ангийн алба хаагчид Монголын бүх ард түмний спортын XV наадам, Налайх дүүргийн их уурхай үүсэн байгуулагдсаны түүхт 100 жилийн ойд зориулсан хөнгөн атлетикийн дүүргийн аварга шалгаруулах тэмцээнд оролцлоо. Тус тэмцээн нь хөнгөн атлетикийн 11 төрөлд зохиогдсон бөгөөд хилчид 6 төрөлд амжилттай оролцоод байна.
Тамирчдын амжилтыг дурдвал, ахлагч Э.Төртогтох 200, 400 метрийн ойрын зайн төрөлд алт, уртын харайлтын төрөлд дэд ахлагч Р.Ариунболд мөнгөн, дэд ахлагч Б.Ихбаяр хүрэл, бөөрөнцөг түлхэлтийн төрөлд ахмад Г.Бямбажаргал хүрэл, зээрэнцэг шидэлтийн төрөлд дэслэгч Н.Цацрал алт, ахмад Г.Бямбажаргал хүрэл медаль, гурвын харайлтын төрөлд дэд ахлагч Р.Ариунболд алт, дэд ахлагч Б.Ихбаяр мөнгөн медаль тус тус хүртэж амжилттай оролцлоо.
Ийнхүү хилчид 3 алт, 2 мөнгө, 3 хүрэл медаль хүртсэн гэж Хил хамгаалах байгууллагаас мэдээллээ.
Хилчид 3 алт, 2 мөнгө, 3 хүрэл медаль хүртлээ | ||
Үзсэн: 517 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.