Сэлэнгэ аймгийн уяач Д.Одхүүгийн зээрд хязаалан түрүүлжээ

2022-07-10 11:27:13

Тулгар Төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын Хурдан морины уралдаан өнөөдөр хязаалан насаар эхэллээ. Газар газрын 306 хурдан хязаалан гарааны зурхайгаас эргэж, Сэлэнгэ аймгийн Баруунбүрэн сумын уяач Данзандоржийн Одхүүгийн 519 дугаартай зээрд хязаалан (уралдаанч Энхбаатарын Зол-Эрдэнэ, 12 настай, эрэгтэй) түрүү магнай боллоо.

Үндэсний их баяр наадмын хязаалан насны хурдан морьдын уралдаанд айрагдсан хурдан хүлгүүдийг танилцуулбал,

2 дугаар байр: Төв аймгийн Баянхангай сумын уяач Ламжавын Пүрэвдоржийн 1019 дугаартай хээр, саран дэвсгэртэй туухай (уралдаанч Бямбатын Батхүү, 10 настай, эрэгтэй)

3 дугаар байр: Өвөрхангай аймгийн Хархорин сумын уяач Хаянхярваагийн Гарьдмагнайгийн 778 дугаартай хээр, сартай зоос (уралдаанч Алтансүх овогтой Ууганбаатар, 8 настай, эрэгтэй)

4 дүгээр байр: Говь-Алтай аймгийн Халиун сумын уяач Туваанжавын Гантөмөрийн 539 дугаартай зээрд, гүл шар (уралдаанч Төмөрсүхийн Энгүүн, 10 настай, эрэгтэй)

5 дугаар байр: Төв аймгийн Алтанбулаг сумын уяач Бурхан Пунцагийн Түмэндэлгэрийн 629 дугаартай хамар цагаан хээр, дөлтэй хүрээтэй загас (уралдаанч Пүрэвсүрэнгийн Мягмарсүрэн, 10 настай, эрэгтэй) тус тус хурдалж, уясан эзэн, наадамчин олноо баясгалаа.

	Сэлэнгэ аймгийн уяач Д.Одхүүгийн зээрд хязаалан түрүүлжээ
Үзсэн: 677	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.