Украины Ерөнхийлөгч Володимир Зеленский Турк болон НҮБ-д хандан Оросыг Украины Хар тэнгисийн боомтуудаас үр тарианы экспортоо сэргээх гэрээгээ биелүүлэхийг шаардлаа.

Оросын довтолгооноос үүдэн Украины боомтуудад хэдэн арван сая тонн үр тариа гацсан байдалтай байгаа аж. Турк болон НҮБ-ын албаны хүмүүс өнгөрөгч баасан гарагт зуучлалын дагуу тээвэрлэлтийг сэргээхээр тохиролцсон. Гэвч маргааш нь Оросууд өмнөд хэсгийн Одесса боомт руу пуужингаар довтолсон юм. Зеленский даваа гарагт Турк болон НҮБ үр тариа тээвэрлэж байгаа хөлөг онгоцны аюулгүй байдлыг анхаарч үзэх ёстой бөгөөд түүний улс бүх аргаар экспортоо сэргээнэ гэж мэдэгдсэн байна.

Мөн даваа гарагт Украины албаны хүмүүс үр тарианы экспортоо сэргээх төлөвлөгөөгөө урагшлуулж байгаагаа мэдэгдсэн бөгөөд эхний ачилт энэ долоо хоногийн эхээр гарна гэж найдаж байгаагаа илэрхийлсэн юм. Тэд мөн хоёр долоо хоногийн дараа Хар тэнгисийн гурван боомтоос тээвэрлэлтээ сэргээхээр бэлтгэж байгаагаа мэдэгдсэн.

Их Британийн Батлан хамгаалах яам мягмар гарагт хийсэн дүн шинжилгээгээр Орос Одесса боомт дахь Украины байлдааны хөлөг онгоц болон хөлөг онгоц эсэргүүцэх пуужингийн нөөцийг оносон гэж мэдэгдсэн байна.