Төмөр замын царигийн асуудлыг хөрш орнуудтайгаа гэрээ хэлэлцээ хийж тохирсны дараа ярих нь зүйтэй гэсэн саналыг УИХ-ын гишүүд гаргаад байгаа. Түүнчлэн нэр бүхий албан тушаалтнууд иргэд олон нийтийг төөрөгдүүлж, Монголын баялгийг дан ганц Хятад руу зөөж дуусгах гэж байгаа мэт ойлголт төрүүлсэн нь маш ёс зүйгүй үйлдэл болсон гэж Ерөнхий сайд Н.Алтанхуяг мэдэгдлээ. “Ямартай ч одоогоор төмөр замын талаар хөрш орнуудтайгаа хэлэлцээ хийх түвшинд байгаа, өнгөрөгч хагас сайн өдөр манай төлөөлөгчид БНХАУ-ыг зорьж, энэ асуудлаар хэлэлцээ хийсэн, удахгүй гэрээ хэлэлцээр тодорхой болно” гэж тэрээр мэдэгдлээ.