Гэрээс нь нийт 7.3 тэрбум төгрөгийн бэлэн мөнгө олдсон С.Батдөлийг 2023 оны 1 дүгээр сарын 6-ны өдрийн 14:30 цагийн орчимд мөрдөх байгууллагаас яллагдагчаар татаж, цагдан хорих таслан сэргийлэх арга хэмжээ авах санал хүргүүлснийг прокурор хүлээн авч хянаад, мөрдөгчийн саналыг үндэслэлтэй байна гэж үзэн С.Батдөлд эрүүгийн хэрэг үүсгэн яллагдагчаар татаж, цагдан хорих таслан сэргийлэх арга хэмжээ авах саналыг шүүхэд тус өдрийн 16:00 цагт хүргүүлсэн талаар бид өмнө нь мэдээлсэн. Прокурорын саналыг хэлэлцэх шүүхийн хэлэлцүүлгийг шүүгч 17:20 цагт орж эхлүүлсэн хэдий ч С.Батдөлийг цагдан хорих тухай хурлыг 2023 оны 1 дүгээр сарын 9-ний өдрийн буюу өнөөдрийн 10:00 цагт хэлэлцэхээр хойшлуулаад байсан юм.

Тэгвэл ЭЦА-наас мөрдөн шалгах ажиллагаа явуулж байгаа эрүүгийн хэрэгт Эрүүгийн хуулийн 18.3 дугаар зүйлийн 1, 18.6 дугаар зүйлийн 2 дахь хэсгээр яллагдагчаар татагдсан С.Батдөлд цагдан хорих таслан сэргийлэх арга хэмжээ авах прокурорын саналыг Баянгол дүүргийн эрүүгийн хэргийн анхан шатны шүүгч өнөөдөр 10:00 цагт хэлэлцэж, нэг сар цагдан хорих шийдвэр гаргасан байна.