Болгарт засгийн газрыг огцпохыг шаардсан эсэргүүцлийн жагсаал сар гаруй үргэлжилж байгаа. Сүүлийн өдрүүдэд уг эсэргүүцлийн жагсаал улам хурцадлаа. Жагсагчид парламентын ордныг тойруулан хориглолт саад босгож, үүдийг нь хаан, дотор нь байсан сайд нар, депутатууд, олон тооны сэтгүүлчдийг барьцаалаад байсан юм. Харин цагдаа нар тэднийг хөөн зайлуулж чадсан байна. 8 цаг үргэлжилсэн энэ бүслэлтийн үед цагдаа нар эсэргүүцэлд оролцогчдыг хэсэг хэсгээр нь таслан холдуулсаар, хамгийн сүүлд парламентын ордны үүдэн дээрх бөөн хүмүүсийг зэргэлдээх талбай руу түрэн хөөж чаджээ. Энэ үеэр 10-аад хүн гэмтэж бэртсний 2 нь цагдаа гэж байна. Ордны өмнөх талбайд жагсагчдын босгосон саад хаалтуудыг одоо бульдозероор цэвэрлэж байгаа юм. Нийтдээ Болгарын Ардын хурлын ордон дотор 300 орчим хүн түгжигдээд байжээ.