Сирийн нийслэл Дамаскт НҮБ-ын химийн зэвсэг хариуцсан төлөөлөгчид очихоор болжээ. Энэ төлөөлөгчдийн бүрэлдэхүүнд НҮБ-ын Ерөнхий нарийн бичгийн даргын “Зэвсэг хураах асуудал” эрхэлсэн өндөр дээд төлөөлөгч Анжела Кейн, мөн шинжээчдийн багийн ахлагч Оке Сельстрем нар багтжээ. НҮБ-д суугаа Сири улсын байнгын төлөөлөгч Башар Жаафарын мэдэгдсэнээр бол, Кейн, Сельстрем нар Дамаскт хоёр өдөр болох бөгөөд тус улсын Гадаад хэргийн яаманд яриа хэлэлцээ хийх аж. Тэд Сирид химийн хорт бодисууд хэрэглэгдсэн талаархи баримтуудыг шалгах олон улсын шинжээчдийн ажлын нөхцлийг Сирийн талтай хэлэлцэж тохирох ёстой байна. Жаафари түүнчлэн НҮБ-ын төлөөлөгчид сирийн эрх баригчдын албан ёсны урилгаар нийслэлд нь хүрэлцэн ирж байгаа гэдгийг сануулжээ.