Үндэсний телевиз
Цагийн хүрд
Найм арваннэг
Ш.Гүрбазар
Шар хамба шиг толгод зээглэсэн говь байдгийм
Шанд бараадсан торгоны хээ шиг сум байдгийм
Шаглаахан хээний өнцөг шиг жижигхэн байшинд хоршоо байдгийм
Шагайн тойром шиг хашаандаа намхан Дэрэм гурил үүрдгийм
Дэрэм гэрээсээ гарахад нь үүр цайдаг байсан
Дэлгүүр дээрээ очиход нь нар гардаг байсаан
Дэлхий үнэгчилсэн хяруунаар
Дүнсээ угалзлуулж алхана
Бөхийсхийн гурилаа үүрэхэд нь
Бүгд найрамдах улсын төрийн дуулал эгшиглэнэ
Дүнсээ угалзлуулж алхана
Бөхийсхийн гурилаа үүрэхэд нь
Бүгд найрамдах улсын төрийн дуулал эгшиглэнэ
Нар өглөө Дэрэм гурав насаараа ингэж л учирсан
Цэц овооны хошууны хүний ганц хүү юм гэнэлээ
Цэцэгт хярааны дээсэнд харуулд зогсож байсан юм гэнэлээ
Цэвэлдолгор эгчтэй залуудаа өнжиж хонож явсан юм гэнэлээ
Цэргийн дарга дагаад явчихаар нь өөртөө гомдсон юм гэнэлээ
Цэц овооны хошууны хүний ганц хүү юм гэнэлээ
Цэцэгт хярааны дээсэнд харуулд зогсож байсан юм гэнэлээ
Цэвэлдолгор эгчтэй залуудаа өнжиж хонож явсан юм гэнэлээ
Цэргийн дарга дагаад явчихаар нь өөртөө гомдсон юм гэнэлээ
Холын хол сумнаас өнчнийг авч үрчилсэн
Хоршоо анх байгуулахад өөриймөлсөн Дэрмийг
Дүүрэн бэхтэй шинэ ирсэн нэг нь мэддэггүй юм аа
Дурдан гологдсон гоёлтой цэргийн наадам таньдаггүй юм аа
Хоршоо анх байгуулахад өөриймөлсөн Дэрмийг
Дүүрэн бэхтэй шинэ ирсэн нэг нь мэддэггүй юм аа
Дурдан гологдсон гоёлтой цэргийн наадам таньдаггүй юм аа
Гэхдээ
Цавьдар гоёхон хийморь бол хийморь нь явсан Дэрэм
Цав гуйхсан халуундаа бол салхи нь явсан Дэрэм
Өргөмөл ганцхан охиндоо бол ижий нь явсан Дэрэм
Өрөөл ухаарахгүй тавиландаа бол эзэн нь явсан Дэрэм
Цавьдар гоёхон хийморь бол хийморь нь явсан Дэрэм
Цав гуйхсан халуундаа бол салхи нь явсан Дэрэм
Өргөмөл ганцхан охиндоо бол ижий нь явсан Дэрэм
Өрөөл ухаарахгүй тавиландаа бол эзэн нь явсан Дэрэм
Дэрмийн түшилцсэн нэгдэл жаран жилээ тэмдэглэж байхад
Дээлээ ч солиогүй өвгөн гэртээ жаахан халуунтай байсан
Хоршоо холбоо хөдөө гурвыг хорвоо хэмээн туучсан гутал нь
Зуухныхаа дэргэд түрийгээ даахгүй
Зулгаараа санаа алдах шиг гунигтай байсан
Дээлээ ч солиогүй өвгөн гэртээ жаахан халуунтай байсан
Хоршоо холбоо хөдөө гурвыг хорвоо хэмээн туучсан гутал нь
Зуухныхаа дэргэд түрийгээ даахгүй
Зулгаараа санаа алдах шиг гунигтай байсан
Хугацаагаар авсан одонгууд
Хурандаагын цээжин дээр чихэлдэж болсон юм!
Үнэн нь дэндсэн Дэрмийн энгэр дээр
Үгүйдээ ганц нь гялайх нь яагаа вэ?
Хурандаагын цээжин дээр чихэлдэж болсон юм!
Үнэн нь дэндсэн Дэрмийн энгэр дээр
Үгүйдээ ганц нь гялайх нь яагаа вэ?
Магтая гэж магтаагүй ээ манай сумыхан мартадгүй юм
Өрөвдөе гэж өрөвдөөгүй ээ өөрөө бодогдоод болдгүй юм
Өрөвдөе гэж өрөвдөөгүй ээ өөрөө бодогдоод болдгүй юм
Шар хамба шиг толгод зээглэсэн говь байдгийм
Шанд бараадсан торгоны хээ шиг сум байдгийм
Шанд бараадсан торгоны хээ шиг сум байдгийм
Шаглаахан хээний өнцөг шиг жижигхэн байшинд хоршоо байдгийм
Шагайн тойром шиг хашаандаа намхан Дэрэм гурил үүрдгийм
Буман шуудай гурил үүрсэн ч аз заяа минь гэж бодсон хоршоо Дэрэм
Бууж өтлөх цоохор замбуулинг алтан ширээ минь гэж залбирсан
хорвоогийн Дэрмээ
Бууж өтлөх цоохор замбуулинг алтан ширээ минь гэж залбирсан
хорвоогийн Дэрмээ
Дэрэм гэрээсээ гарахад нь үүр цайдаг байсан
Дэлгүүр дээрээ очиход нь нар гардаг байсаан…
Дэлгүүр дээрээ очиход нь нар гардаг байсаан…
| "Хоршоо Дэрэм" | ||
| Үзсэн: 4985 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.