Үндэсний телевиз
Цагийн хүрд
Найм арваннэг
НҮБ-ын Ерөнхий Ассамблейн ивээл дор зохион байгуулагдаж байгаа Гамшгийн эрсдэлийг бууруулах Сендайн хүрээ баримт бичгийн дунд хугацааны хэрэгжилтийг үнэлэх дээд түвшний уулзалт өчигдөр хоёр дахь өдрөө үргэлжиллээ.
Дээд түвшний уулзалтын үеэр ОБЕГ-ын дарга, хошууч генерал Г.Ариунбуян тэргүүтэй төлөөлөгчид НҮБ-ын Ерөнхий нарийн бичгийн даргын Гамшгийн эрсдэлийг бууруулах асуудал эрхлэх Тусгай Төлөөлөгч, хатагтай Мами Мизуторитой хоёр талт уулзалт хийлээ.
Уулзалтаар бүс нутгийн хамтын ажиллагаа, санхүүжилт, хөрөнгө оруулалт, НҮБ-ын Хүмүүнлэгийн тусламжийн төвийг Монгол Улсад байгуулах боломж болон Онцгой байдлын байгууллага НҮБ-ын Кадри аргачлалын багаар гамшгаас хамгаалах бэлтгэл, бэлэн байдлын чадавхаа үнэлүүлэх боломжийг эрэлхийлж байгаа талаар санал солилцлоо.
Кадри аргачлалын үнэлгээнд хамрагдсанаар Монгол Улс гамшгаас урьдчилан сэргийлэх, гамшгийн эрсдэлийг бууруулах, сэргээн босгох ажлын бэлтгэл бэлэн байдлыг сайжруулах том түлхэц болох юм гэж Онцгой байдлын ерөнхий газраас мэдээллээ.
| Хоёр талын уулзалтаар хамтын ажиллагааны талаар санал солилцлоо | ||
| Үзсэн: 398 | Mongolian National Broadcaster |
Лханаагийн Мөнхтөр
Р.Слава
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.