Play Time Festival зохион байгуулж буй Гачуурт, Монгол шилтгээний байрлах хэсэг рүү ус орж эхэлж байна.

Мэдээллийн дагуу Шадар сайд С.Амарсайхан тус арга хэмжээнд оролцож буй залуусын эрүүл мэнд, амь насны эрсдэл гаргахгүй байх дээр анхаарч шаардлагатай тохиолдолд тараах, нийтийн тээврийг дайчлан залуусыг эрсдэлээс хамгаалах, яаралтай арга хэмжээ авч, зохион байгуулах үүргийг Нэгдсэн шуурхай штабын холбогдох албаныханд үүрэг өглөө.

Тус фестивальд 50 мянга гаруй залуус оролцож байгаа гэсэн зохион байгуулагчдын мэдээлэл байгаа юм. Орой 17.00 цагийн үед Туул голын үерийн түвшин 280 хүрсэн боловч халиагүй байсан бол 22.00 цагийн байдлаар 288 см болж эрсдэлтэй нөхцөл байдал үүсээд байна гэж Шадар сайдын Ажлын албанаас мэдээллээ.