Үндэсний телевиз
Цагийн хүрд
Найм арваннэг
Мал эмнэлгийн ерөнхий газраас хонины цэцэг өвчнөөс урьдчилан сэргийлэх арга хэмжээг нотолгоонд суурилан төлөвлөх, хэрэгжүүлэх зорилгоор Мал, амьтны эрүүл мэндийн тухай хуулийн хэрэгжилтийг хангаж, хонины цэцэг өвчний халдвар дэгдэж болзошгүй эрсдэлийг илрүүлэх, үнэлэх, халдварын тархалтыг магадлах зорилт бүхий эмнэл зүйн шинж тэмдэгт суурилсан идэвхгүй тандалт судалгаа хийж байна.
Тандалт судалгаанд төв болон говийн бүсийн 11 аймгийн 122 сумын малчин өрхийг 2024 оны хоёрдугаар сарын 2-7-ны өдрийн хооронд хамруулах ажлыг эхлүүлээд байна.
Эдгээр 11 аймаг, нийслэлийн Мал эмнэлгийн газрын удирдлага, мэргэжилтнүүд, холбогдох 122 сум, дүүргийн Мал эмнэлгийн тасгийн мэргэжилтнүүдэд тандалт судалгааны удирдамжийг танилцуулж, арга хэмжээг шуурхай, үр дүнтэй зохион байгуулах чиглэлээр мэргэжил арга зүйн зөвлөгөө өгөх ажлыг цахимаар зохион байгууллаа.
Эх сурвалж: Мал эмнэлгийн ерөнхий газар
| Хонины цэцэг өвчний эмнэл зүйн шинж тэмдэгт суурилсан идэвхгүй тандалтыг зохион байгуулж байна | ||
| Үзсэн: 1255 | Mongolian National Broadcaster |
Б.Цоожчулуунцэцэг
О.Энхмаа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.