Олон улсын "Онлайн эрх чөлөө эвсэл"-ийн гишүүн орнуудын төлөөлөгч манай улсад ирээд байна. Анх Нидерланд улсын санаачилгаар 2011 онд Олон улсын Засгийн газар хооронд “Онлайн эрх чөлөө эвсэл” байгуулагджээ. 23 орныг эгнээндээ нэгтгээд байгаа сайн дурын уг байгууллагыг үүсгэн байгуулсан улсын нэг нь Монгол Улс юм. Үйл ажиллагаа нь   шинэ тутам байгаа   тус   эвслийн зол зорилго нь онлайн орчин дахь хэвлэл мэдээллийн эрх чөлөөг дэмжих явдал ажээ.   Энэ хүрээнд иргэн бүр онлайн орчинд үзэл бодлоо чөлөөтэй илэрхийлэх ёстой, энэ эрх нь өөрийн гэсэн хэм хэмжээгээр хамгаалагдсан байхаас гадна   хүний эрх онлайн байдлаар зөрчигдсөн тохиолдолд туслах зорилготой аж.