Ажил гүйцэтгэх үндэслэл

МҮОНРТ-ийн 600 гаруй уран бүтээлч, ажилчдыг эрүүл ахуйн шаардлага хангасан өдрийн хоолоор үйлчилэх үйлчилгээ

Захиалагч байгууллага

МОНГОЛЫН ҮНДЭСНИЙ ОЛОН НИЙТИЙН РАДИО ТЕЛЕВИЗ

Байршил:

Улаанбаатар хот, Баянгол дүүрэг, 11-р хороо, Хувьсгалчдын гудамж, Монголын үндэсний олон нийтийн радио телевизийн төв байр

Талбайн нэр, хэмжээ

MNB ресторан, 158 м.кв

Ажлын зорилго, гарах үр дүн:

МҮОНРТ-д цайны газрын үйлчилгээг үзүүлэх ажлын гүйцэтгэгчийг сонгон шалгаруулах зорилготой.

МҮОНРТ-ийн 600 гаруй уран бүтээлч, ажилчид нь эрүүл ахуйн шаардлага хангасан,  гарал үүслийн гэрчилгээтэй, хүний биеийн бодисын солилцооны хэвийн үйл ажиллагааг хангах, эрүүл мэндийг дэмжсэн хүнсний бүтээгдэхүүнээр хийгдсэн, чанартай өдрийн хоолоор үйлчлүүлэх боломж бүрдэнэ.

Хамрах хүрээ

МҮОНРТ-ийн 600 гаруй уран бүтээлч, ажилчид болон бусад иргэд

Гүйцэтгэх ажил

МҮОНРТ-д хоол үйлдвэрлэлийн үйлчилгээг үзүүлэх

Техник тоног төхөөрөмж хангалт

Ø  Үйлчилгээ үзүүлэгч нь МҮОНРТ-ийн хоол үйлдвэрлэл, үйлчилгээний байр, тоног төхөөрөмжийг ашиглана.

Ø  Шаардлагатай бол нэмэлт тоног төхөөрөмжийг үйлчилгээ үзүүлэгч өөрийн хөрөнгөөр шийдвэрлэх

Ø  Хоол үйлдвэрлэж буй үйлчилгээний цэг дээр аяга, таваг, халбага, сэрээ, хоолны халуун сав гэх мэт хэрэгслүүдийг ариутгах төхөөрөмжийг өөрийн хөрөнгөөр шийдвэрлэж ашиглах

Ø  Захиалагч талын үйлчилгээний талбай, байр агуулахыг ашиглахдаа холбогдох түрээс, засвар, цахилгаан, цэвэр, бохир ус зэрэг ашиглалтын зардлуудыг гүйцэтгэлээр төлнө.

Ø  Хоол үйлдвэрлэлд ашиглагдаж буй тоног төхөөрөмж тус бүр дээр аюул эрсдэлийг тодорхойлсон аюулгүй ажиллагааны таних тэмдэг тэмдэглэгээ, санамж аюулгүй ажиллагааны зааварчилгааг байршуулж ажиллах

Ø  Түрээсийн гэрээнд 7, 8-р сарын төлбөрт  хөнгөлөлт үзүүлэнэ

Ажиллах хүч, хүний нөөц

Ø  Нийт ажилтнууд ажлын хувцсаар жигдэрсэн байна

Ø  Нийт ажилчид эрүүл мэндийн үзлэгт бүрэн хамрагдсан байх. Эрүүл мэндийн сайдын 2017 оны А/145 тушаал, журмын шаардлагыг хангасан байх

Ø  Мэргэжлийн үнэмлэхтэй нийтийн хоолны ажилчидтай байх

Ø  Ахлах тогооч нь тогоочийн 1 зэрэгтэй эсвэл мэргэжлийн сургууль төгссөн хоол үйлдвэрлэл үйлчилгээний мэргэжлийн үнэмлэх, дипломтой байх ба ажлын дадлага туршлагатай байх

Ø  Мэргэжлийн боловсон хүчнээ тогтвор суурьшилтай ажиллах боломжоор хангаж гэрээний үүргээ тогтвортой гүйцэтгэх

Ø  Үйлчилгээ үзүүлэгч нь боловсон хүчний асуудлыг өөрөө хариуцах ба нийгмийн болон бусад даатгалд хамруулсан, хөдөлмөрийн холбогдох хууль тогтоомжийг мөрдөж ажиллах

Ø  Хүнсний аюулгүй байдлын удирдлагын тогтолцоотой байх

Хоол үйлдвэрлэлд тавигдах шаардлага

Ø  Хоолны илчлэг, шимт бодисын хэмжээг Эрүүл мэндийн сайдын 2017 оны А/74 тоот тушаалын дагуу тооцож бэлтгэж хангах

Ø  Хүний биеийн бодисын солилцооны хэвийн үйл ажиллагааг хангах, эрүүл мэндийг дэмжих, хамгаалахад шаардагдах хүнсний түүхий эд, хагас боловсруулсан бүтээгдэхүүн, аюулгүй ундны усаар хангана

Ø  Батлагдсан технологийн карт, хоол үйлдвэрлэлийн стандартыг үлгэр жишиг болохуйц хэмжээнд баримтална

Ø  Хоолны цэсийг улирлын онцлогт тохируулан зохиох, хоёр долоо хоногоор боловсруулан батлуулах, Зуны улиралд хонины махны хэрэглээг багасгах, сүү цагаан идээ хэрэглэх, үхрийн мах түлхүү ашиглах, намар шинэ ногоог зохистой хэмжээгээр түлхүү ашиглах, өвөл хаврын улиралд халуун аарц, чацаргана гэх мэт амин дэмтэй хоолоор цэсийг бүрдүүлэх / улирлын онцлогт тохирсон/ зэргээр зохицуулалт хийх

Ø  Хоолны цэсийг нэр төрөл давхцахгүй байдлаар 7 хоногоор гарган захиалагчийн томилсон холбогдох эрх бүхий албан тушаалтнаар батлуулж мөрдөх

Ø  Хоолны дээжийг стандартын дагуу авч, дээжийн хөргөгчид тохирох хэмд хадгалж, устгах, бүртгэл хөтлөх

Ø  Бүх хүнсний бүтээгдэхүүн нь чанар, эрүүл ахуйн шаардлага хангасан, гарал үүсэл, шинжилгээний бичигтэй байх бөгөөд тогтмол хугацаанд захиалагчид хүргүүлэх

Ø  Хоол түгээхдээ амны хаалт, нэг удаагийн бээлийг заавал хэрэглэж үйлчилгээ үзүүлнэ.

Ажил гүйцэтгэх хугацаа:

Гэрээ байгуулагдсанаас хойш календарийн 360 хоног байна.

Ажлын төсөв санхүүжилт

Захиалагч байгууллага гүйцэтгэгч байгууллагад ажлын хөлсийг гэрээний төлбөрийн нөхцөлд заасны дагуу олгоно.