
Нийслэлийн есөн дүүргийн Засаг даргын Тамгын газрын дэргэд теле камерын хяналтын дэд төвүүдийг, нийслэлийн Засаг даргын дэргэд нэгдсэн удирдлагын төвийг байгуулж Улаанбаатар хотын замын хөдөлгөөнд ухаалаг удирдлагын системийг бий болгож байна.
Ухаалаг удирдлагын системийг тогтвортой ажиллуулах, ажилтан, албан хаагчдыг чадавхжуулах сургалтыг энэ сарын 17-21-ний өдрүүдэд “Замын хөдөлгөөний удирдлагын төв” ОНӨТҮГ-т зохион байгуулж байна.
Уг сургалтад теле камерын хяналтын дэд төвүүдийн удирдах албан тушаалтнууд, ажилтан, албан хаагчид оролцож байна. Холбогдох мэргэжлийн байгууллагуудын сургагч багш, мэргэшсэн инженерүүд дараах сэдвүүдээр илтгэл хэлэлцүүллээ.
Тодруулбал, Улаанбаатар хотын теле камерын дэд болон нэгдсэн төвийн техник, тоног төхөөрөмж, систем программ хангамж, хөгжил, өнөөгийн байдал, анхаарах асуудлууд болон холбогдох хууль тогтоомжуудын хэрэгжилт, уялдаа холбоо зэрэг өргөн хүрээний сэдвийг хамарсан үр дүнтэй сургалт болж байна.
Теле камерын хяналтын дэд төвүүдийн албан хаагчдыг чадавхжуулах сургалт болж байна | ||
Үзсэн: 307 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.