“Монгол цэргийн өдөр”, Орчин цагийн Зэвсэгт хүчний 104 жилийн ой, Чөлөөлөх дайны 80 жилийн ойг угтан Сэлэнгэ аймгийн Засаг даргын ивээл дор Үндэсний аюулгүй байдлыг хангах тусгайлсан чиг үүрэг бүхий байгууллагуудын дунд “Цэрэг, спортын олон төрөлт цуврал тэмцээн” 2025 оны гуравдугаар сарын 6-16-ны өдрийн хооронд зохион байгуулагдлаа.

Тэмцээнд Монгол Улсын баатар, Ж.Нэхийтийн нэрэмжит, Цэргийн гавъяаны одонт, хилийн цэргийн 0101 дүгээр ангийн баг тамирчид амжилттай оролцож, 12 төрлийн цуврал тэмцээнээс “Хайрлан дуулах эх орон” тэмцээнд “Тэргүүн” байр, “Буудлагын тэмцээн”-д “Тэргүүн” байр, Олс таталтын тэмцээнд “Тэргүүн” байр, Шатрын тэмцээнд “Тэргүүн байр”, Хүчний гурван төрөлт “Классик Пауэрлифтинг” тэмцээнд “Дэд байр”, “Дартсын тэмцээн”-д “Дэд” байр, Волейболын тэмцээнд эмэгтэй баг “Дэд” байр, эрэгтэй баг “Гутгаар” байр, “Марш, тактикийн аварга тасаг” шалгаруулах тэмцээнд “Дэд” байрыг тус тус эзлэн, тэмцээнүүдийн нийлбэр дүнгээр “Тэргүүн байр”-т шалгаран дөрөв дэх жилдээ “Шилжин явах цом”-ын эзэд боллоо.