Интерполоор эрэн сурвалжлагдаж байсан Бүгд Найрамдах Франц улсад оршин суух Монгол Улсын иргэн М нь таван сарын хугацаанд иргэн Т-тэй бүлэглэн 844 грамм жинтэй “гашиш” гэх хэрэглээний нэршилтэй мансууруулах, сэтгэцэд нөлөөт бодисыг худалдаалах зорилгоор, хууль бусаар Монгол Улсын хилээр нэвтрүүлсэн гэх хэрэгт Цагдаагийн байгууллагаас мөрдөн шалгах ажиллагааг явуулж байна.

Ингэхдээ НҮБ-ын 1971 оны “Сэтгэцэд нөлөөлөх бодисын тухай” конвенцын II жагсаалтад багтсан “делта-9 тетрагидроканнибол” нэртэй мансууруулах сэтгэцэд нөлөөлөх бодисыг ХБНГУ-аас Олон Улсын шуудан илгээмжээр дамжуулан хилээр нэвтрүүлсэн байна. Тухайн сэжигтэй этгээдүүдийг гуравдугаар сарын 18-ны өдөр баривчилжээ. Улмаар сэтгэцэд нөлөөлөх бодисыг эд мөрийн баримтаар хураан авчээ.

Уг гэмт хэрэгт 22-25 насны хоёр яллагдагчид цагдан хорих, таслан сэргийлэх арга хэмжээ авч, мөрдөн шалгах ажиллагааг үргэлжлүүлж байна гэж ЦЕГ-ын Хар тамхитай тэмцэх газраас мэдээллээ.