Шууд Chart

Жолооч нарын сургалтад 120 гаруй алба хаагч хамрагдаж байна

2025-04-03 09:10:28

Нийслэлийн Онцгой байдлын газрын бүтцийн нэгжүүдийн жолооч бүрэлдэхүүний ажлын хариуцлага, аюулгүй ажиллагаа, мэргэжлийн ур чадварыг дээшлүүлэх зорилгоор нэгдсэн сургалт дадлагыг зохион байгуулж байна. Сургалт дадлагыг нээж дарга, хурандаа Г.Галбадрах алба хаагчдад амжилт хүссэн.

Сургалтын хүрээнд алба хаагчдад гал унтраах тусгай тоноглол бүхий автомашин, техник, тоног төхөөрөмж, багаж хэрэгслийн ашиглалт, бэлэн байдал, хөдөлмөрийн аюулгүй байдал, эрүүл ахуйн дүрэм, замын хөдөлгөөний аюулгүй байдлын тухай хууль болон холбогдох шинэчлэгдсэн дүрэм, журмын мэдлэг ойлголтыг дээшлүүлж, гал унтраах зориулалтын болон шуурхай албаны автомашины ашиглалт, засвар үйлчилгээ, норматив гүйцэтгэх дадлагыг зохион байгуулж байна.

Нэгдсэн сургалт дадлагад нийслэлийн Онцгой байдлын газрын Аврах анги, Гал түймэр унтраах, аврах ангиудын 120 гаруй жолооч хамрагдаж байна.


Жолооч нарын сургалтад 120 гаруй алба хаагч хамрагдаж байна  
Үзсэн: 188 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй