Шууд Chart

Сүхбаатарын талбайн баруун, зүүн талын замын хөдөлгөөнийг түр хаана

2025-04-04 09:59:53

“Тусгаар тогтнол 3333” хөтөлбөрийн хүрээнд Ардын уран зохиолч Д.Пүрэвдоржийн “Тусгаар тогтнол” шүлгийг ерөнхий боловсролын сургуулийн 1-8 дугаар ангийн 3333 сурагчдаар уншуулах арга хэмжээг 2025 оны 04 дүгээр сарын 04-ний өдөр Д.Сүхбаатарын талбайд зохион байгуулна.

Арга хэмжээнд оролцох сурагчдын аюулгүй байдлыг хангах, зам тээврийн осол зөрчлөөс урьдчилан сэргийлэх, хөдөлгөөний аюулгүй байдлыг хангуулах Нийслэлийн Засаг даргын тамгын газраас ирүүлсэн чиглэлийн дагуу Д.Сүхбаатарын талбайн зүүн, баруун талын авто замын хөдөлгөөнийг 2025 оны 04 дүгээр сарын 04-ний өдрийн 09:00-14:00 цагийн хооронд түр  хязгаарлах тул иргэд, жолооч та бүхэн бусад зам,  маршрутыг сонгон хөдөлгөөнд оролцоно уу гэж Тээврийн Цагдаагийн Албанаас зөвлөлөө.


Сүхбаатарын талбайн баруун, зүүн талын замын хөдөлгөөнийг түр хаана  
Үзсэн: 254 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй