Шууд Chart

Биологийн улсын XXXV олимпиад үргэлжилж байна

2025-04-06 09:59:00

Биологийн улсын XXXV олимпиад 2025 оны   дөрөвдүгээр сарын 4-ний өдөр нээлтээ хийж, нийт олимпиадад оролцогчид, шалгалтын комисс тангаргаа өргөснөөр албан ёсоор эхэлжээ. Олимпиад 4 дүгээр сарын 05-ны өдрөөс дунд, ахлах анги, багшийн ангилалд онолын шалгалтуудаар МУИС дээр эхлэх бөгөөд өнөөдөр дадлагын шалгалтаар үргэлжилнэ. Мөн шалгалтын үеэр багш нарт зориулсан онолын сургалтууд явагдана.

Энэ жил улсын олимпиадын хоёрын даваанд 3000 гаруй сурагчид өрсөлдсөнөөс гурвын даваанд дунд ангийн ангилалд 68 сурагч, ахлах ангийн ангилалд 71 суралцагч шалгарч эдгээр өдрүүдэд оюун ухаан, авьяас чадвараа сорин өрсөлдөнө.

Биологийн улсын XXXV олимпиадыг ШУА-ийн Биологийн хүрээлэнгийн 60 жилийн ойн хүрээнд нэрэмжит болгон зохион байгуулж байгаагаа бөгөөдз олимпиадын ерөнхий зохион байгуулагчаар ЗГХА Боловсролын ерөнхий газар, Монголын биологийн олимпиадын хороо, Монгол улсын их сургууль, ШУА-ийн Биологийн хүрээлэн ажиллаж байгаа бөгөөд энэ жил говийн ховор зургаан амьтан (Монгол бөхөн, Хавтгай, Хулан, Тахь, Хар сүүлт, Мазаалай)-г олимпиадын үндсэн бэлэг тэмдэг болгон сонгож, “Олуулаа болцгооё” уриатайгаар зохион байгуулж байна.

Учир нь энэ жилээс гурвын даваанд оролцогчдын тоог нэг дахин нэмэгдүүлж, илүү олон оролцогчдод боломж олгож байгаагаараа онцлог юм. Биологийн судлагдахуун нь олон салбарын өргөн мэдлэг шаарддаг цогц онолын шалгалт, 3-4 салбар шинжлэх ухааны агуулгыг хамруулсан дадлагын шалгалтуудаас бүрддэг аж.

Нийтэлсэн: Н.Алтанцэцэг

Биологийн улсын XXXV олимпиад үргэлжилж байна  
Үзсэн: 187 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй