Үндэсний телевиз
Цагийн хүрд
Найм арваннэг
Газарзүйн улсын XXIX олимпиад өчигдөр эхэллээ. Газарзүйн олимпиад сурагчдын ангилалд IX анги, XII анги, багшийн ангилалд онол, дадлага, мультимедиа тест төрлүүдээр явагдах бөгөөд МУБИС дээр зохион байгуулагдаж байна.
Энэ жилийн олимпиадад “Газарзүй - Бүсчилсэн хөгжил” сэдвийн дор хоёрын даваанд оролцсон 2000 гаруй багш сурагчдаас шалгарсан 191 оролцогч газарзүйн мэдлэг чадвараараа өрсөлдөнө. Мөн шалгалтын үеэр багш нарт зориулсан тусгай өдөрлөг ШУА-ийн Газарзүй Геоэкологийн хүрээлэн дээр болно.
Хорооны дарга, профессор В.Батцэнгэл нээлтийн үеэр Бүсчилсэн хөгжлийг бодлогыг дэмжиж энэ жилийн олимпиадад Бүсчилсэн хөгжлийн үндэсний хүрээлэнтэй хамтран ажиллаж байгаа тухай онцлон тэмдэглэлээ. Мөн тус хүрээлэнгийн захирал, доктор Д.Эрдэнэбаяр оролцогчдод сонирхолтой илтгэлээ танилцуулсан.
Олимпиадын ерөнхий зохион байгуулагчаар Боловсролын ерөнхий газар, Монголын газарзүйн олимпиадын хороо, Монгол Улсын Боловсролын их сургууль, Монгол Улсын Их сургууль хамтран ажиллаж байна.
| Газарзүйн улсын XXIX олимпиад эхэллээ | ||
| Үзсэн: 167 | Mongolian National Broadcaster |
Б.Цоожчулуунцэцэг
М.Золзаяа
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.