Улаанбурхан гэдэг нь нусгайрах, халуурах, нүд үрэвсэх, ханиалгах, амны салстад тууралт гарах, биеэр толбон гүвдрүүт тууралт гарах шинж тэмдгээр илэрдэг цочмог халдварт өвчин юм.

• Халдварын эх уурхай: Өвчтэй хүн
• Халдвар дамжих зам: Агаар дусал
• Халдварын нууц үе: Дунджаар 7-14 хоног, ховор тохиолдолд 28 хоног
• Халдвартай байх үе: Тууралт гарахын өмнөх 4 хоног, гарсаны дараах 4 хоног

Урьдчилан сэргийлэлт

• Улаанбурхан, гахай хавдар, улаанууд өвчний эсрэг /УГУ/ вакциныг 9 сар, 2 настайд товлолын дагуу хийлгээрэй.
• Халдвартай хүнтэй хавьтал болсон тохиолдолд ӨЭМТ-д хандаж 72 цагийн дотор вакцинд хамрагдаж халдвараас сэргийлээрэй.
• Жирэмсэн эмэгтэй, 0-8 сартай хүүхдийг олон нийтийн газраар авч явахгүй байх, гадуур гарахдаа амны хаалт хэрэглэх.
• УГУ вакцинд хамрагдаагүй 4 хүртэлх насны хүүхдийг 1сарын зайтай 2 удаа дархлаажуулна.
• УГУ вакцин огт тариулаагүй, тариулсан эсэх нь тодорхойгүй 7-15 насны хүүхдийг 1 удаа дархлаажуулна.
• Гадагшаа зорчиж буй иргэн сайн дурын үндсэн дээр төлбөрөө төлж хийлгэнэ. /ХӨСҮТ сайн дурын дархлаажуулалтын кабинет/