2025 оны тавдугаар сарын 27-ноос зургаадугаар сарын 4-нийг хүртэлх 10 хоногийн цаг агаарын урьдчилсан төлөв

Тавдугаар сарын 27-нд баруун аймгуудын нутгийн хойд хэсгээр, 28-нд баруун аймгуудын нутгийн зүүн хойд, төвийн аймгуудын нутгийн хойд хэсгээр бороо, нойтон цас орж, ихэнх нутгаар салхи шуургатай байна.

Хур тунадас: Тавдугаар сарын 27-нд баруун аймгуудын нутгийн зарим газар, төвийн аймгуудын нутгийн баруун хэсгээр,

28-нд баруун аймгуудын нутгийн хойд хэсэг, төвийн аймгуудын ихэнх нутгаар,

29-нд баруун, төв, зүүн аймгуудын нутгийн хойд хэсгээр бороо, нойтон цас орж, цасан шуурга шуурна,

30-нд Алтай, Хангай, Хөвсгөл, Хэнтийн уулархаг нутгаар,

31-нд баруун аймгуудын нутгийн баруун хэсэг, төв болон зүүн аймгуудын нутгийн зарим газраар,

Зургаадугаар сарын 1-нд баруун болон төвийн аймгуудын нутгийн хойд хэсгээр,

02-нд баруун, төв, зүүн аймгуудын нутгийн хойд хэсгээр,

03-нд нутгийн зүүн хэсгээр бороо, уулаараа нойтон цас орно.

Салхи: Тавдугаар сарын 27-нд нутгийн баруун хагаст, 28-нд нутгийн зарим газраар секундэд 18-20 метр, 29, 06-р сарын 01-нд нутгийн зарим газраар, 02-нд говь, тал хээрийн нутгаар секундэд 15-17 метр хүрч ширүүснэ.

Агаарын температур: Тавдугаар сарын 27-нд нутгийн баруун хойд хэсгээр, 28-нд баруун болон төвийн аймгуудын нутгаар, 29-нөөс нутгийн хойд хэсгээр эрс сэрүүсэж, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө 4 хэмийн хүйтнээс 1 хэмийн дулаан, өдөртөө 8-13 хэм, говийн бүс нутгийн өмнөд хэсэг, Дорнод-Дарьгангын нутгаар шөнөдөө 10-15 хэм, өдөртөө 26-31 хэм, Их нууруудын хотгор болон говийн бүс нутгийн хойд хэсгээр шөнөдөө 9-14 хэм, өдөртөө 20-25 хэм, бусад нутгаар шөнөдөө 3-8 хэм, өдөртөө 14-19 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Тавдугаар сарын 28-нд бороо, 31-нд бага зэргийн бороо орно. Бусад хугацаанд бороо орохгүй.

Салхи: Ихэнх хугацаанд секундэд 5-10 метр, 28-нд баруун өмнөөс хойш эргэж секундэд 12-14 метр хүрч ширүүснэ.

Агаарын температур: Тавдугаар сарын 27, 28-нд шөнөдөө Яармаг-Сонгины орчмоор 2-7 хэм, бусад хэсгээр 9-14 хэм өдөртөө 25-30 хэм дулаан, 29-нөөс эрс сэрүүсэж, шөнөдөө Яармаг-Сонгины орчмоор 2 хэмийн хүйтнээс 3 хэмийн дулаан, бусад хэсгээр 3-8 хэм өдөртөө 15-20 хэм дулаан байна.