Үндэсний телевиз
Цагийн хүрд
Найм арваннэг
Монголын Үндэсний Допингийн Эсрэг Байгууллагаас цаг үеийн асуудлаар мэдээлэл өглөө. Тодруулбал, Монгол Улсын “Үндэсний их баяр наадмын тухай хууль”-ийн хүрээнд, 2025 оны долдугаар сарын 27-30ны өдрүүдэд зохион байгуулагдсан Дорноговь, Дорнод болон Увс аймгуудын байр наадмын үеэр үндэсний бөхийн барилдаанд амжилттай барилдаж, шөвгөрсөн бөхчүүдээс допингийн хяналтын сорьц аван ажиллажээ.
Эдгээр сорьцуудыг 2025 оны наймдугаар сарын 2-ны өдөр, Дэлхийн Допингийн Эсрэг Агентлаг (WADA)-ийн итгэмжлэгдсэн лаборатори болох Холбооны Бүгд Найрамдах Герман Улсын Дрезден хот дахь “Спортын Допингийн Шинжилгээ ба Биохимийн Институт руу хүргүүлэн, олон улсын стандартын дагуу лабораторийн шинжилгээнд хамруулсан байна. Гурван аймгаас авсан нийт 16 сорьцын 14-ийнх нь шинжилгээний хариу ирсэн бөгөөд үлдсэн хоёр сорьцын хариу одоогоор бүрэн гараагүй байна.
| Увс, Дорнод, Дорноговь аймгийн наадамд шөвгөрсөн бөхчүүдийн допингийн шинжилгээний хариу иржээ | ||
| Үзсэн: 168 | Mongolian National Broadcaster |
У.Баярсайхан
Т.Болор-Эрдэнэ
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.