Үндэсний телевиз
Цагийн хүрд
Найм арваннэг
Ирэх сарын 03-ны өдөр болох Чөлөөлөх дайны ялалтын 80 жилийн ойн баярын цэргийн ёслолын жагсаалд оролцох Монгол Улсын Зэвсэгт хүчний алба хаагчид ОХУ-ын Хабаровск хотыг зорилоо. Дэлхийн хэд хэдэн орны Зэвсэгт хүчний хайрцаг оролцох энэхүү цэргийн ёслолын жагсаалд Монгол Улсын Зэвсэгт хүчнээс 50 гаруй цэргийн алба хаагчдын хайрцаг оролцож байна.
Монгол цэргүүдийн ёслолын жагсаалыг Зэвсэгт хүчний 186 дугаар ангийн захирагч дэд хурандаа Сүхбаатарын Ариунболд командалж, салааны захирагчаар хошууч Б.Уранбаатар, хошууч А.Цогтбилэг, тугчаар дэд ахлагч Т.Бямбадэлгэр, тугийн хамгаалагчаар дэслэгч Т.Нямдорж, дэслэгч М.Гантулга нар алхана.
Парад алхах бүрэлдэхүүн нь Монгол Улс, ОХУ-ын Зэвсэгт хүчний хамтарсан “Сэлэнгэ-2025” хээрийн сургуульд оролцсон алба хаагчид бөгөөд Зэвсэгт хүчний 8 ангийн офицер, ахлагч нар багтжээ гэж Зэвсэгт хүчний Жанжин штабаас мэдээллээ.
| Монгол цэргүүд Хабаровск хотыг зорилоо | ||
| Үзсэн: 156 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.