Үндэсний телевиз
Цагийн хүрд
Найм арваннэг
Нийслэлийн ИТХ-ын дарга А.Баярын санаачилгаар иргэдэд зориулсан номын сан өнөөдөр нээлтээ хийлээ.
Энэхүү номын сангаар иргэд нээлттэй үйлчлүүлэхээс гадна НИТХ-ын байгууллагын үйл ажиллагаатай танилцах боломжтой юм.
Номын сангийн нээлтэд НИТХ-ын Ажлын албаны дарга М.Халтар, хүндэт зочноор Д.Нацагдоржийн шагналт хүүхдийн зохиолч О.Сундуй, Монголын зохиолчдын эвлэлийн шагналт зохиолч С.Пүрэвсүрэн, Нийслэлийн ерөнхий боловсролын 34-р сургуулийн захирал Р.Өлзийхишиг болон ахлах ангийн сурагчид оролцлоо.
Энэ үеэр Д.Нацагдоржийн шагналт хүүхдийн зохиолч О.Сундуй “Төрийн байгууллагад гэрэл нэмсэн үйл явдал гэж зохиолч хүний хувьд харж байна. Ном гэдэг дандаа гэгээн зүйлд, ертөнцийг танин мэдэхэд хөтөлдөг гайхамшигтай зүйл. Тиймээс энэхүү номын өргөөний үүдээр олны хөл тасрахгүй байх аа гэж бодож байна” гэв. Харин Нийслэлийн ерөнхий боловсролын 34-р сургуулийн сурагчид “Сургуулийн номын сангаас өөр ном унших газар Нисэх, Яармаг орчимд байхгүй. Тэр болгон хотын төв рүү номын сан яваад байж чаддаггүй байсан. Өнөөдөр ингээд ойрхон ороод ном уншаад, хичээл хийх боломжтой газартай болсондоо баяртай байна” хэмээн сэтгэгдлээ хуваалцлаа.
Эх сурвалж: НИТХ-ХМОНХА
| НИТХ-ын дэргэд иргэдэд үйлчлэх номын сан нээгдлээ | ||
| Үзсэн: 203 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.