Дэлхийн сонсгол хамгаалах өдөр буюу гуравдугаар сарын 3-ны өдрийг тохиолдуулан нийгмийн хариуцлагын хүрээнд Боловсролын ерөнхий газар, “ЭМЖЖ” ХХК-тай хамтран "ENT CARE" аяныг хэрэгжүүлнэ.

 

Энэхүү аяны хүрээнд ерөнхий боловсролын сургууль, политехник коллежийн ахлах ангийн 14-18 насны суралцагч, багш, ажилтан, эцэг эх, асран хамгаалагчдад чих, хамар, хоолойн эрүүл мэндийн суурь мэдлэг олгох, эрт оношилгооны ач холбогдлыг ойлгуулж, эрүүл мэндийн зөв дадлыг төлөвшүүлж, сургалт мэдээллээр хангах үйл ажиллагааг зохион байгуулна.

 

Тус аяны хүрээнд зорилтот 6 ерөнхий боловсролын сургууль, 3 политехник коллежийн 14-18 насны 3000 суралцагч, багш, удирдах болон бусад ажилтанд сургалт, нөлөөллийн үйл ажиллагаагаар дамжуулан чих, хамар, хоолойн эрүүл мэндийн талаарх суурь мэдлэг олгох, урт хугацаанд үүсэж болзошгүй эмгэгээс урьдчилан сэргийлэх, зөв дадал, хэвшлийг төлөвшүүлэхийг зорьж байна гэж Боловсролын ерөнхий газраас мэдээллээ.