Иран, АНУ болон Израиль хооронд үүссэн хурцадмал байдал дэлхий нийтийн анхаарлыг татаж байна. Энэ хямралд голлох гадаад бодлого явуулж буй улс орнуудын байр суурь дараах байдлаар тодорхойлогдож байна.

Их Британи

• АНУ болон Израилийн цэргийн үйлдлийг дэмжихгүй, өөрийн баазаа ашиглуулахгүй.
• Дипломат хэлэлцээр, олон улсын зохицуулалтаар асуудлыг шийдэхийг чухалчилж байна.
• Элчин сайдын яамаа түр татаж, иргэддээ аюулгүй байдлын зөвлөмж өгчээ.

ОХУ

• АНУ-Израилийн довтолгоог “цэргийн өдөөн хатгалга” гэж шүүмжилсэн.
• Цэргийн үйлдэлд шууд оролцохгүй, дипломат замаар асуудлыг шийдэхийг илүүд үзэж байгаа.
• Ирантай стратегийн харилцаа хадгалж, зуучлах үүрэг гүйцэтгэхэд бэлэн байгаагаа илэрхийлсэн.

БНХАУ

• Мөргөлдөөнийг эсэргүүцэж, хэлэлцээрийг дэмжиж байна.
• Орос, Ирантай хамтран олон талын дипломат үйл ажиллагаанд оролцоно.
• АНУ-тай шууд мөргөлдөхгүй, геополитикийн ашиг сонирхлыг тэнцвэржүүлэх бодлогыг чухалчилж байна
• Иргэддээ аюулгүй байдлын үүднээс Иранаас гарахыг зөвлөсөн.

Их Британи, Орос, Хятадын байр суурь нь цэргийн мөргөлдөөнийг дэмжихгүй боловч дипломат, эдийн засгийн замаар хямралыг намжаахад чиглэж байна.

Мөн Орос, Хятад нь Ирантай стратегийн харилцаагаа хадгалж, АНУ-тай шууд мөргөлдөөнөөс зайлсхийж байгаа нь олон улсын аюулгүй байдлыг чухалчилж буйг харуулж байна.