Монголын Үндэсний бөхийн холбооны долоодугаар тойргийн эхний хагаст Хатант интернэшнл ХХК-ийн "Хатант интернэшнл" баг – Миг даатгал ХХК, Хушхан ХХК-ийн "Эв монгол" багтай учраа тааран барилдсанаас Хатант интернэшнл баг 13:12-оор тав дахь ялалтаа авчээ.

Хатант интернэшнл багт, улсын заан С.Сүхбат /3/, улсын харцага Б.Зоригтбаатар /2/, дөрөвдүгээр тойргоос сэлгээнд сууж, түүний оронд орж барилдсан улсын арслан Р.Пүрэвдагва /0/, улсын начин Т.Дүгэрдорж /3/, аймгийн арслан Б.Шаравдорж /3/, аймгийн заан Э.Түмэндэмбэрэл /2/, нийт 13 даваагаар ээлжит ялалтаа авсан бол Эв Монгол багт улсын заан М.Лхагвагэрэл /5/, аймгийн хурц арслан Э.Мөнхбаатар /2/, аймгийн арслан Я.Бумбаяр /2/, аймгийн арслан Ц.Лувсан-Адъяа /0/, аймгийн харцага Б.Рэнчинжүгдэр /3/ нийт 12 даваа авчээ. 

Хатант интернэшнл багийн дасгалжуулагчаар улсын арслан Р.Пүрэвдагва, Эв Монгол багийн дасгалжуулагчаар МУГД, улсын начин Б.Адъяахүү нар ажилласан байна. "М, Си, ЭС-Энержи" баг "Хубилай хаан" багтай учраа тааран барилдсанаас 14:11-ээр зургаа дахь ялалтаа авчээ. 

М, Си, ЭС-Энержи багт улсын арслан Э.Батмагнай /5/, улсын харцага Ц.Мөнхбаяр /3/ улсын начин Х.Цогтгэрэл /2/, аймгийн аймгийн арслан Ц.Төмөрцоож /1/, дөрөвдүгээр тойргоос сэлгээнд сууж, түүний оронд орж барилдсан улсын харцага Н.Золбоо /0/, аймгийн арслан Ч.Алтангэрэл /3/ нийт 14 даваагаар ээлжит ялалтаа авсан бол Хубилай хаан багт улсын начин Б.Даваа-Очир /2/ улсын начин Х.Оргилболд /2/, улсын начин Б.Түвшинтөгс /3/, аймгийн арслан М.Эрхэмбаяр /2/ аймгийн арслан М.Гантулга /1/ дөрөвдүгээр тойргоос сэлгээнд сууж, түүний оронд орж барилдсан улсын начин Б.Лхагвадорж /1/ нийт 11 даваа авсан юм.

М, Си, ЭС-Энержи багийн дасгалжуулагчаар улсын харцага Н.Золбоо, Хубилай хаан багийн дасгалжуулагчаар улсын өсөх идэр начин Н.Бүрэнбаатар, улсын начин Т.Довчинсэмбээ нар ажиллажээ.

Дараагийн барилдаан дөрөвдүгээр сарын 03-нд 17:30 цагаас Алтан цомын долоодугаар тойргийн сүүлийн хагас барилдаанаар үргэлжилнэ. Тус өдөр АПУ, Скайтел баг – Од групп багтай,  Хүлэгү баг – Хамаг Монгол багтай учраа тааран барилдана.

Эх сурвалж: Монголын үндэсний бөхийн холбоо