Могой таарсан тохиолдолд түүнийг үргээх, барих, чулуу шидэх, өдөөн хатгах, алах гэж оролдохгүй байхыг зөвлөж байна. Учир нь ихэнх могой хүн рүү санаатай дайрдаггүй бөгөөд зөвхөн өөрийгөө хамгаалах үедээ хаздаг.

Иймд могойтой таарвал тайван байж, огцом хөдөлгөөн хийхгүйгээр аажмаар ухарч, аюулгүй зайд холдох хэрэгтэй. 

Могойд хатгуулах эрсдэлээс өөрийгөө болон гэр бүлийнхнээ хамгаалахыг зөвлөж байна. 

-Өндөр түрийтэй битүү гутал өмсөх

-Өндөр өвс, бут сөөг, хад асгатай газраар болгоомжтой зорчих

-Могойтой таарвал ойртож, цочоох, барих гэж оролдохгүй байх

-Бага насны хүүхдийг хараа хяналтгүй орхихгүй байх

Могойд хатгуулсан бол:

• Аль болох тайван байж хөдөлгөөнөө хязгаарлана.
• Яаралтай хамгийн ойр байрлах эрүүл мэндийн байгууллагад хандана.
• Шархыг зүсэх, хор сорох, чанга боох зэрэг буруу аргыг хэрэглэхгүй.