-10 дугаар сарны сүүлчээс хийж эхэлсэн. Тэгэхээр нэг сар гаруй л болж байна даа. Хүмүүс сайн авч байгаа. Хүүхдийнхээ эмчилгээнд зориулж байгаа гэхээр бүгдээрээ ирээд л авдаг юм.

 

-Хүүхдээ явуулчихаад зүгээр суугаад байх хэцүү. Араас нь бас мөнгө явуулмаар байсан. Тэгээд ажил олж хийх гээд сар гаруй хайсан чинь олдоогүй. Жирэмсэн хүнд чинь ажил олддоггүй юм байна лээ. Тэгээд л үүнийг хийж эхэлсэн.

 

-Фэйсбүүкийн Sweet kitchen гээд группээс анх сурсан юм. Урьд нь бол өөртөө л хийдэг байсан.

 

-Хамгийн ихдээ 20 орчмыг л хийдэг юм. Үүнээс ихийг хийнэ гэхээр нийтийн байр болохоор тогны хүч муу, хамаг юмаа шатаачих гээд байх юм. Охин маань тэнд удах л юм шиг байна. Тэгэхээр боломжоороо л үүнийгээ цааш нь хийнэ дээ.

 

 

-Найзууд маань бүгд л боломжоороо ирж туслацгаадаг. Би сүмд явдаг юм. Тэгээд манай сүмийнхэн бас ирж тусладаг.  

 

-Би Үндэсний соёл амралтын хүрээлэнд туслах тогооч хийж байсан.

 

-Мэргэжлийнх юу байхав дээ. Өөрөө сонирхлоороо л хийдэг байсан юм. Тэр үед хүүхдээ тусгай цэцэрлэгт өгчихөөд цагийн ажил хийдэг байсан. Янз янзын л ажил хийж үзсэн.  

 

-Гадаад худалдааны менежер мэргэжилтэй. Гэхдээ хүүхдээ төрснөөс хойш мэргэжлээрээ ажиллаж чадаагүй. Хүүхдээ хараад л цагийн ажил л хийдэг байсан.

 

-АПУ-д борлуулалтын жолооч хийдэг юм.

 

/С.Золзаяагийн гэр бүлийнхэн түүнд тусалдаг/

 

-Өнгөрсөн долоодугаар сард явсан.

 

-Христэд итгэгч сайн дурын хүүхдийн төлөө байгууллага. Бараг 10 гаруй жилийн туршлагатай, манай хүүхэд тэр байгууллагын туслаж байгаа 26 дахь хүүхэд нь юм билээ.

 

-Үгүй, дэлхий даяар. Монголоос бол туслаж байгаа хоёр дахь хүүхэд нь.

 

-Янз бүрийн л өвчтэй хүүхдүүдэд тусладаг гэсэн. Гэхдээ манай хүүхэд бол хамгийн хүнд өвчтэйд нь тооцогдож байгаа юм байна лээ. Урьд нь ганц, хоёр хагалгаанд ороод л эдгэрдэг хүүхдүүдийг авч явдаг байсан гэсэн. Бид нар эхлээд зөвхөн онош зургийг нь л явуулсан. Тэгээд очоод шинжилгээг нь өгсөн чинь хариу нь маш муу гараад зургаан хагалгаанд орохоор болсон. Анх явахдаа очоод найман сар болно гэж байсан чинь одоо хоёр жил болно гэсэн. Гэхдээ одоо бас хугацаа нь хойшилчихоод л байгаа.

 

 

-Энэ байгууллага нь Христэд итгэгч байгууллага болохоор энд тэндхийн сүмүүдээс мөнгөө босгоод мэргэжлийн эмнэлгүүдэд очоод ийм хүүхэд байгаа юм, эмчлээд өгөөч гээд гуйдаг. Анх эндээс очихдоо нэг эмнэлгээр шинжилгээ, хагалгаагаа үнэгүй хийлгэнэ гэж явсан. Тэгээд очоод нарийн шинжилгээгээ өгөөд, зургаан хагалгаа нь төлөвлөгдсөн юм. Эхний хагалгаа нь 11 дүгээр сарын гуравны өдөр төлөвлөгдсөн байсан. Тэгсэн чинь эмнэлгийн ор хоногийн мөнгө нь тусдаа 150 мянган америк доллар болно гэсэн. Тэр мөнгөө төлөөгүй болохоор хагалгаа нь хойшлогдчихсон байгаа.

 

-Тэр байгууллага нь бид хоёрыг төл гэж хэлээгүй л дээ. Гэхдээ хүүхдээ явуулчихсан хүмүүс чинь бас яаж зүгээр суухав. Тодорхой хэмжээний мөнгө өгөх гээд л энэ ажлыг хийж байна. Тэр хүмүүс маань ч гэсэн тэндээ мөнгөө цуглуулж л байгаа. Гэхдээ л 150 мянган америк доллар гэдэг чинь бас л их мөнгө шүү дээ. Арай л цуглараагүй байна.

Нөгөө эмнэлэгтээ энэ хүүхэд гуравдагч буурай орны хүүхэд юм аа. Төлбөрөө жаахан хямдруулаач гэсэн санал тавьсан чинь боломжгүй гэсэн хариу өгсөн гэсэн. Манай охин одоо Мичиганд байгаа юм. Техаст байгаа бас нэг эмнэлэгтэй яриад үзүүлэхээр болчихсон байгаа. Хэрэв тэр эмнэлэгт үзүүлээд үнэ хөлсөө тохирчихвол тэндээ хагалгаа хийлгэж магадгүй.

 

 

-Төрөхдөө л тийм төрсөн юм.

 

-Үгүй. Уг нь эход харуулдаг л байсан. Төрснийх нь дараа зарим эмч нар гэдсэнд нь байхад ийм гажиг харагддаггүй юм гэсэн. Манай хүүхэд дөрвөн мөч нь татсан байдалтай төрсөн, яг гэдсэнд байсан шиг байрлалтай.

 

 

-Төрснөөсөө хойш нэг сар болоод л  Хүүхдийн гэмтэл согог судлалын үндэсний төвд хяналтад орсон. Нэг сартайгаасаа эхлээд бараг ой гартал нь хөлөнд нь гипс, гаранд нь чиг тавиулдаг байсан.

Манай хүүхдийн хөл нь дотогшоо байрлалтай төрсөн юм. Харин нэг ой гарантай байхад нь тэрийг нь засах гэж хөлнийх нь шагайнд хагалгаа хийсэн. Тэгээд хөлнийх нь хэлбэр арай гайгүй болсон. Гэхдээ л явдаггүй, гараа өргөж чаддаггүй байсан.

Монгол эмч нар болохоор манайд өмнө нь ийм хүүхэд байгаагүй болохоор арай л туршлагагүй байна. Түр хүлээж бай жаахан томрохоор нь хагалгаа хийж үзнэ гэдэг байсан. Тэгээд л хоёр ой гарчихсан. Заримдаа гадаадаас ирсэн эмч нарт үзүүлэхээр их олон удаагийн хагалгаа хийлгэх юм байна л гэж хэлдэг байсан. Гэхдээ бага дээр нь л хийлгэх ёстой гэдэг байсан. Гэтэл манайд хагалгаа хийх эмч байдаггүй. Тэгээд л хоёр ой гарантай байхад нь гадаадын эмнэлгүүд рүү хандаж үзье гээд эхлээд Солонгосын нэг эмнэлэгт хандсан чинь шууд л төлбөр мөнгөө нэхсэн. Харин дараа нь Америкт байдаг энэ байгууллагын тухай сонсоод хүсэлтээ явуулсан чинь их хурдан хариу ирсэн. Эмчлэгдэх боломжтой гэсэн хариу ирсэн болохоор бид нар бүх зүйлийг нь хөөцөлдөж эхлээд жил арай хүрэхгүй хугацааны дараа явуулсан.

 

-Манай улсад бол Artrogryposis буюу шөрмөс таталт гэж хэлдэг байсан. Америкт очоод үзүүлсэн чинь булчингийн хөгжил байхгүй гэж хэлсэн. Бас арай оройтчихсон байна. Бараг төрөөд шууд л булчинг нь хөгжүүлэх эмчилгээ хийгдэх ёстой байсан гэсэн.

 

-Үгүй, тэр нь одоо оройтчихсон гэсэн.  Манай хүүхэд татчихсан юм шиг байдалтай төрсөн болохоор эхний ээлжинд хэлбэрийг нь засах хагалгаа хийнэ. Үүний дараа өөрөө өөрийгөө дааж явах булчин байхгүй болохоор хиймэл протез гутал өмсүүлж тэрнийхээ тусламжтайгаар явдаг болно гэсэн.  

 

-Утсаар ярьдаг юм. Тэр хүмүүс нь зав зайгаа харж байгаад утсаар яриулна, бичлэг явуулна. Очоод бараг сар болоогүй байхдаа л англиар яриад эхэлсэн. Саяхан ярьсан чинь цоглог байна лээ. Миний охин мундаг байгаа.

 

-Миний сонссоноор бол өмнө нь нэг л хүүхэд манай хүүхэдтэй ижил төрлийн өвчтэй гээд хагалгаа хийлгэж байсан гэсэн. Гэхдээ тэр хагалгаа нь амжилтгүй болсон гэнэ лээ.  Саяхан нэг судалгаа харсан. Манай улсад ийм төрлийн өвчтэй гуч гаруй хүүхэд байдаг гэсэн.

 

-Одоо л үзнэ гэж бодож байгаа. Яг хандах гэхээр хаана хэнд хандахаа бас сайн мэдэхгүй л байна. Монголын иргэн гадаадад их хэмжээний төлбөрөөр эмчлүүлээд буцаж ирэхдээ тодорхой хэмжээний мөнгийг нь буцааж авч болдог л гэсэн. Гэхдээ сонсоод байсан чинь хандиваар эмчлүүлж байгаа бол тийм зүйл байдаггүй гэсэн.  Харин хүмүүс бол үнэхээр сайн туслаж байгаа.

 

 

 

 

Хэрэв та бүхэн бяцхан охинд туслахыг хүсвэл С.Золзаяагийн Хаан банкны 5100124153, Голомт банкны 1815007441, Хадгаламж банкны 102400130888, Худалдаа хөгжлийн банкны долларын 499229299 дансанд хандив өгч болохоос гадна 155889 дугаарт napoleon гэсэн мессежийг явуулах боломжтой. Холбоо барих утас: С.Золзаяа- 91215561