“Соёл спорт аялал жуулчлалын яам"-наас Лениний музейн үзмэртэй холбоотой асуудлаар цагдаагийн байгууллагад ханджээ. Харин тэдний гомдлын дагуу цагдаагийн байгууллагаас шалгалт хийж, урьдчилсан байдлаар Лениний музейн зарим үнэт олдворууд байхгүй байгааг тогтоосон байна. МАН-ын зүгээс зарим үзмэрүүд болон үзмэрийн бүртгэлийн дэвтэр 7 сарын 1-ний үймээний үеэр шатсан гэсэн мэдээллийг өгсөн аж. Баримтат кино болон бусад материалаас бүртгэж үзвэл музейд 5000 орчим үзмэр байсан гэдэг тооцоо байдаг юм байна. Эдгээрээс хэд нь байгаа, хэд нь байхгүй нь тодорхойгүй байгаа гэнэ. Үзмэрүүдийг алдсан байж магадгүй хэмээн цагдаагийн байгууллагад хандсан гэж ССАЖЯ-аас мэдээлж байна. Энэ асуудлыг дахин шалгуулна гэж “Соёл спорт аялал жуулчлалын яам”-ны “Төрийн нарийн бичиг”-ийн дарга П.Алтангэрэл ярилаа.