Гаалийн ерөнхий газар, Тахарын ерөнхий газартай хамтран ажиллахаар боллоо. Ингэснээр сэжигтэн, яллагдагчтай холбоотой хууль бус үйлдлийг таслан зогсоох, гэм буруутай аливаа этгээдийг үйлдэл дээр нь илрүүлэх боломж бүрдэж байгаа юм. Тухайлбал, өмнө нь Тахарын ерөнхий газрын албан тушаалтнууд гаалийн тусгай дэглэм бүхий хяналтын бүсэд нэвтрэх боломжгүй байсан. Харин хамтран ажиллах гарын үсэг зурснаар гаалийн хяналтын бүсэд нэвтэрч үйл ажиллагаагаа явуулна гэдгийг ГЕГ-ын хууль эрхзүйн хэлтсийн ахлах байцаагч Ч.Тамираа онцлон ярилаа.