Шууд Chart

Манай хөлбөмбөгчид Азийн АШТ-ий урьдчилсан шатанд тоглоно

2015-03-24 09:42:08

Cаяхан дэлхийн аваргын урьдчилсан шатны хариу тоглолтоо нутагтаа хийж, ялагдсан ч дараагийн том тэмцээнийг зориод буй манай хөлбөмбөгчид Лаос улсад БНХАУ-ын багтай ирэх 27-ны өдөр тоглоно.

2016 онд болох 23 хүртэлх насны Азийн аварга шалгаруулах тэмцээний сонгон шалгаруулалтын “J” хэсгийн тоглолтууд Лаос улсад болох юм. Тэмцээн нийслэл Вьентьян хотын төв цэнгэлдэхэд энэ сарын 27-31-ний өдрүүдэд үргэлжлэх учиртай.

Азийн 43 улсын баг урьдчилсан шатанд 10 хэсэгт хуваагдсан бөгөөд хэсэг бүрийг тэргүүлсэн 10, дэд байр эзэлсэн хамгийн өндөр үзүүлэлттэй тав, нийт 15 улсын баг ирэх жил болох шигшээ тэмцээнд оролцох эрхийг авах юм.

Манай баг “J” хэсэгт БНХАУ, Лаос, Сингапур улсын багуудтай таарсан. Манай шигшээ баг ирэх баасан гарагт буюу энэ сарын 27-ны өдөр БНХАУ-ын багтай тоглох юм. Улмаар 29-нд Лаос, 31-нд Сингапурын багтай тоглоно.

Монголын залуучуудын шигшээ багийн ахлагчаар МХБХ-ны дэд ерөнхийлөгч, ОУХМ Б.Буман-Учрал, ахлах дасгалжуулагчаар “Эрчим” клубын дасгалжуулагч, спортын мастер Д.Батнасан, туслах дасгалжуулагчаар мөн клубын тоглогч З.Баттулга, хаалгачийн дасгалжуулагчаар спортын мастер Ш.Баянжаргал нар ажиллаж байна.

Залуучуудын шигшээ багийн бүрэлдэхүүнд нийт 23 залуу тоглогч багтсан бөгөөд тэдний дунд Монгол-Зүүн Тиморын тоглолтод оролцсон зургаан тамирчин багтжээ. Тодруулбал, М.Төгөлдөр, А.Цолмон, А.Улсболд, Г.Гандэлгэр, Б.Төгсбилэг, С.Гал-Эрдэнэ нарын тамирчид 2018 оны ДАШТ-ий урьдчилсан шатны тоглолтод Үндэсний шигшээ багт багтан тоглосон байна.

 


Нийтэлсэн: Б.Батхолбоо

Манай хөлбөмбөгчид Азийн АШТ-ий урьдчилсан шатанд тоглоно  
Үзсэн: 1057 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй